Afisu 3

1 Mpa Bulus, ma̱ ta̱ a kuwa ku aêali adama a manyan ma Kirisiti Kawauwi u zuwa mu n yanka Éa̱ eÉa̱ Awulawa. 2 I reve ta̱ an Kashila̱ n ukuna u shinga u ne u na̱ka̱ mu manyan ma na mi n yain tsa̱ra̱ n Éa̱nga̱ Éa̱. 3 Kashila̱ ka zuwai n revei afoÉi a ne a Éa u sokongi. Ma̱ri n koronku Éa̱ ta̱ kenu a kaci ka ukuna u na vi. 4 I yan baci ka̱neshi u ili iêya n korongi, ya reve ta̱ ili iêya n revei adama a afoÉi a na yi a kaci ka Kawauwi. 5 Kashila̱ ka wenike afoÉi a na yi a asu u ama a Éa a rongoi caupa wa. Shegai gogoâna u wenike a Éa Ée a asu u Kulu Keri. U wenikei a Éa a asu u ama a Éa u Éanga̱sai a woko asuki na̱ ntsumate n ne. 6 AfoÉi a Kashila̱ a Éa na: EÉa̱ Awulawa ya wusha ta̱ una̱ u shinga u Éa Kashila̱ ka na̱ka̱, una̱ u te tyoku Éa aza a Yahuda a ka wusha u Éa. Awulawa n aza a Yahuda a woko Ée ama a te. EÉa̱ Awulawa ya wusha ta̱ dem ili iêya Kashila̱ ka yankai ama a ne kazuwamgbani, kpaci uÉolomgboni u Éa iêa̱ri n Yesu Kawauwi. Ili iêya Kadyanshi ka Shinga ka danai iêya la vi. 7 Kadyanshi ka Shinga ka na ki ka ma yan kuÉari. An u wokoi Kashila̱ uza u shinga u Éa, u na̱ka̱ mu manyan ma na mi ma utonusuko ama gba̱ Kadyanshi ka Shinga, kpam u Éa̱nga̱ mu n yain ili i na yi n ucira u Éa u na̱ka̱ mu. 8 Mpa gba̱ n lai unamba kalen asuvu a ama a Kashila̱, shegai gba̱ n nala, Kashila̱ ka na̱ka̱ mu manyan ma na mi ma utonusuko Awulawa ili i shinga iêya Kawauwi ka na̱ka̱sa̱. Ili i shinga i na yi i wura ta̱ ama a reve. 9 Kpam Kashila̱ uza Éa u yain ili gba̱, u na̱ka̱ mu manyan ma utonusuko ama gba̱ ukuna u afoÉi a Éa u sokongi a kagita̱. 10 U yain ili i na tsa̱ra̱ gogoâna u wenike ucira kauâkau u zuba tyoku Éa wa̱ri n ugboji a ili iêya wa yansa gba̱. Kashila̱ ka wenikei ili i na yi a asu u ili iêya u yankai Atoni a ne. 11 Kashila̱ ka bidiga ta̱ kaci ka ne u yain ili i na tun caupa kahu u yain likimba, kpam gogoâna u zuwa Ée iêya i gita̱ a ure u Éa Asheku Yesu Kawauwi ka tsunu u yain. 12 Cinda tsu wushuki n eyi, kpam tsu Éolomgbonoi n eyi, tsa fuÉa ta̱ tsa tuwa̱ a asu u Kashila̱ karara bawu uwonvo. 13 Adama a nala, ma folo Éa̱ i namba ugbamatangu an ma so mavura adama a Ée wa. Mavura ma na mi ma tuko Éa̱ ta̱ tsupige. 14 Adama a nala, n kuÉa̱ngu ta̱ a kapala ka Tata n yanka Éa̱ kavasu. 15 Aya Tata u maci u aêuwa gba̱, gba̱ aza Éa aêa̱ri a zuba n aza Éa aêa̱ri a likimba dem. 16 Kashila̱ ka fuÉa ta̱ ka zuwuka Éa̱ una̱ u shinga ushani. Æa n folo yi tsa̱ra̱ Kulu ku ne ku na̱ka̱ Éa̱ ucira, kotsu atakasuvu a Ée a gbama. 17 Kpam n folo yi tsa̱ra̱ Kawauwi ka rongo asuvu a atakasuvu a Ée an i pityanangi n eyi. Kavasu ka va̱ ka i rongo uciga u Kashila̱ kpam i cigamgbana. I yan baci nala ya woko ta̱ tyoku u maÉanga ma alu a ne a uwai asuvu a iyamba, kpam tyoku u kuwa ka a mai n cuku tsu ugbami. 18 Nala eÉa̱ n ama a Kashila̱ gba̱ ya reve ucun u uciga u Éa Kawauwi ka ciga tsu. Wa ciga tsu ta̱ cika, uciga u Éa u wurai ura̱tsana̱ka. 19 Ko an u wokoi uza wa̱ la wa fuÉa wa reve gba̱ tyoku Éa Kawauwi ka ciga tsu wa, ma folo Kashila̱ ka a̱sa̱ka̱ i reve u Éa, tsa̱ra̱ i woko tyoku Éa u gain i woko; wata, tyoku Éa Kashila̱ ka̱ri. 20 Kashila̱ ka̱ ta̱ n ucira u Éa wa yan ili iêya i lai iêya tsu folo yi u yain, hal gba̱m n ili iêya tsu fuÉai tsu yawunsai. Kpam she u yain iêya n ucira u ne; wata, u Éa wa yansa manyan a atakasuvu a tsunu. 21 A̱sa̱ka̱i tsu cikpala ni hal ubana bawu utyoku adama tsupige tsa u wenikei a ili iêya wa yansa a asuvu a kuwa ku Atoni, kpam n a asu u Yesu Kawauwi! Ami.