Asuki 16

1 Bulus banai a Daraba n Lisitira, a asu u Éa Katoni uza u kala Timoti wa rongo. Mma u ne dem Katoni ka, uza u Yahuda, tata u ne tani uza u Helineâ  u Éa. 2 Atoni a Éa aêa̱ri a Lisitira n Ikaniya a ka cikpala ta̱ Timoti cika. 3 Bulus wa ciga ta̱ Timoti toni le. Adama a nala u zuwai a kiÉa yi kacombi kahu a laza. U yan ta̱ nala adama a aza a Yahuda, kpaci ya dem reve ta̱ tata u ne uza u Heline u Éa. 4 Tyoku Éa aêa̱ri ukyawunsa a ilyuci ilyuci, a rongoi utonusuko ama ukuna u Éa asuki na̱ nkoshi a shamkpai a Urishelima, aku a folo le a toni ukuna u nala vi. 5 Nala aza a aêuwa a Atoni yi a rongoi udoku upityanangu n ucira n kakuma̱ kain dem. 6 Bulus n atoku a ne a lazai a tonoi a asuvu a uyamba u Firijiya n Galatiya, kpaci Kulu Keri ku Éishinka le ta̱ uyan kadyanshi ka Asheku a uyamba u Asiya a aêayin a nala yi. 7 An a rawai utyoku u uyamba u Misiya, a cigai a bana a Bitiniya, shegai Kulu ku Yesu ku wushunku le wa. 8 Aku a walai a uyamba u Misiya ubana a ilyuci i Taruwasa a ikengi i kushiva̱. 9 N kayin, Bulus wenei kuwene. A kuwene ki, u wenei uza u Masidaniya kushani wa folo yi, u danai, “Tuwa̱ a Masidaniya vu Éa̱nga̱ tsu." 10 An u kotsoi uwene kuwene ki, kuteâkute tsu ka̱na̱i ure ubana a Masidaniya, kpaci tsu reve ta̱ Kashila̱ ka ka isa̱ tsu tsu yanka le kuÉari ku Kadyanshi ka Shinga. 11 Aku tsu uwai kpatsu a Taruwasa, tsu karai ubana a uyamba u mere u mini u Samutarasu. An kain ka wansai, tsu rawai a ilyuci i Niyapali. 12 Pini nala, tsu wurai ubana a Filibi, ilyuci iêya aza a Roma aêa̱ri ushani a uyamba u Masidaniya, u Éa u wa̱ri a kere ka tsugono tsu Roma. Tsu rongoi pini aêayin ushani. 13 Kain ka Ashibi tsu wuta̱i a utsutsu u ilyuci vi ubana a una̱ u aga̱ta̱, asu u Éa tsu wenei yavu a asu u kavasu u aza a Yahuda wa̱ ta̱ pini. Aku tsu dusuki tsu dansai n aka a Éa a Éolomgbonoi ukuna u Asheku. 14 Uka roku Éa pini uza u kala Lidiya, kapani ka uwonvo u Kashila̱ wa pana̱ka tsu. Eyi uza u ilyuci i Tayatira u Éa, kadengi ka aminya a ikebe a mini ma galura a Éa. Kashila̱ ka kukpa̱i katakasuvu ka ne, hal u wushuki n ili iêya Bulus wa tono. 15 An a lyuÉugu yi kaÉolo n aza a kuwa a ne, aku u folo tsu, u danai, “An u wokoi i wushuki mpa katoni ka Asheku ka, tuwa̱i i cipa̱ a kuwa ku va̱.” U rongo tsu a ufolo hal u fuÉa tsu aku tsu wushuki. 16 Kain ka te, an tsa bana a asu u kavasu, tsu gawunsai n kagbashi ka ka̱ri makere, uza u ityoni i cingi i udana ili iêya ya gita̱. Azakuwa a ne a ka tsa̱ra̱sa̱ ta̱ ikebe cika n manyan ma udana ili iêya ya gita̱ iêya makere mi ma yansa. 17 Aku u rongo tsu utono n u sala̱si, “Ama a na yi agbashi a Kashila̱ a Éa, Uza u Ucira Gba̱. Tuwa̱ Éa a tuwa̱i a tonuko Éa̱ tyoku Éa ya tsa̱ra̱ iwauwi." 18 Nala u rongoi uyan hal aêayin ushani, hal asuvu a namgbai Bulus, aku u kpatalai u Éaranai ityoni i cingi yi, “A asuvu a kala ka Yesu Kawauwi, pecemgbene n eyi.” Kuteâkute i pecemgbenei n eyi. 19 An azakuwa a makere yi a wenei ure u utsa̱ra̱sa̱ u ikebe i le u kimba̱ Ée, aku a ka̱na̱i Bulus n Sila, a rono le ubana a kuden a kapala ka aza a afada. 20 An a rawai aku a danai, “Aza a Yahuda a na a ka damgbara̱sa ta̱ ilyuci i tsunu. 21 Ili iêya bawu i gain a̱tsu aza a Roma tsu wushi, iêya a ka wenishike." 22 Aku ama a lazai a kyawan le a ka dansa, “Mayun Éa, nala wa̱ri.” Aza a afada yi a zuwai a monduso le aminya n ucira, a bawan le. 23 An a bawan le, aku a uka le a kuwa ku aêali, a zuwai uza Éa wa kirana n kuwa ki u wundi le mai. 24 An u panai nala, u uka le a kunu ku asuvu ku kuwa ki, aku u gbagbalai aêene a le a kagbukulu. 25 Ubana kayin a mere, Bulus n Sila a ka yan kavasu n ishipa i ucikpala Kashila̱, aza Éa aêa̱ri dem pini a kuwa ku aêali ki a ka pana̱ka le. 26 Kuteâkute iyamba i gba̱Éa̱i cika, hal kami ka kuwa ku aêali ki ka gba̱Éa̱i. Pini nala, itsutsu yi i giduwa̱i gba̱. Ikani iêya a sira̱sai aza Éa aêa̱ri pini a kuwa ku aêali ki i sa̱ruwa̱i. 27 An uza Éa wa kirana n kuwa ki u rikpa̱na̱ka̱i alavu, u wenei itsutsu i kuwa yi gba̱ ugiduwi. Wa wundya aza a kuwa ku aêali ki a suma Ée, aku u talai burundu u ne wa ciga u wuna kaci ka ne. 28 Shegai Bulus Éarana yi, u danai, “Kotsu vu nei kaci ka vunu usa̱n wa, gba̱ tsunu tsa̱ ta̱ pini." 29 Aku uza Éa wa wundya kuwa ki u danai a tuko ncikalu. U wuranai u uwai a asuvu u rukpa̱i a kapala ka Bulus n Sila, n u jeki ikyamba adama a uwonvo. 30 Aku u wutukpa̱ le a kateshe, u danai, “Ndya ma yan tsa̱ra̱ n tsa̱ra̱ iwauwi?" 31 Ele tani a danai, “Pityanangu n Yesu Asheku, avu na aza a kuwa a vunu ya tsa̱ra̱ ta̱ iwauwi." 32 Aku a yanka yi kadyanshi ka Asheku n aza a kuwa a ne gba̱. 33 N kayin ka nala ki, u za̱sa̱ le usa̱n u le, aku kute a lyuÉugu yi n aza a kuwa a ne dem. 34 Aku u uka le a asuvu a kuwa ku ne u tuko le ilikulya. Eyi n aza a kuwa a ne gba̱ a shaÉangi n ipeli adama a Éa a pityanangi n Kashila̱. 35 An kain ka wansai, aku aza a afada yi a suki ada̱ga̱ri a ba a dana a a̱sa̱ka̱ ama a nala yi. 36 Aku uza Éa wa kirana n kuwa ku aêali ki u bankai Bulus akani, u danai, “Aza a afada a suku Ée a a̱sa̱ka̱ Éa̱, adama a nala, she i wuta̱ i wala alafiya." 37 Shegai Bulus danai, “A̱tsu aza a Roma a Éa, kpam a bawan tsu a kapala ka ama bawu afada, a uka tsu a kuwa ku aêali. NiÉa a ka yansa a wutukpa̱ tsu usokongi? Wa yan wa! Shegai a tuwa̱ n kaci ka le a wutukpa̱ tsu." 38 Ada̱ga̱ri yi a ba a tonukoi aza a afada kadyanshi ki. Aku uwonvo u ka̱na̱i aza a afada yi, an a panai a da ele aza a Roma a Éa. 39 A tuwa̱i a kuwa ku aêali ki, a foloi Bulus n Sila a yanka le ahankuri. Aêayin a Éa a wutukpa̱ le, aku a folo le a a̱sa̱ka̱ ilyuci yi. 40 An Bulus n Sila a wuta̱i a kuwa ku aêali ki, aku a lazai karara she a kuwa ku Lidiya. An a wenei Atoni, aku a gbamatangusu le atakasuvu cika kahu a a̱sa̱ka̱ a ilyuci yi.