Asuki 14

1 An Bulus n Bara̱naba a rawai a Ikaniya, a uwai a kagata ka Kashila̱ ka aza a Yahuda tyoku Éa a yain kuÉari a Antakiya. Ama ushani aza a Yahuda n Awulawa a wushuku ta̱ n kadyanshi ka Kashila̱. 2 Shegai aza a Yahuda a Éa a kpa̱Éa̱i uwushuku n kadyanshi ki, a vurusa̱i aêene a Awulawa a Éa bawu kotsu a wushuki, a nangasai ndishi n le n ama a Kashila̱ yi. 3 Gba̱ n nala, asuki yi a Éa̱ra̱kpa̱i pini n ele cika, n a yanyi kuÉari ku kadyanshi ka ukuna u shinga u Asheku bawu uwonvo. Kpam u na̱ka̱ le ucira u uyan iryoci n ikunesavu. 4 Ama a ilyuci yi a pecei kure, aza roku a ka tono aza a Yahuda, aza roku kpam a ka tono asuki. 5 Aku Awulawa a roku n aza a Yahuda n azapige a le a Éolomgbonoi kaci tsa̱ra̱ a yain asuki yi mavura, kpam a vara̱sa le n atali a wuna. 6 An asuki yi a revei ukuna u Éa wa̱ri a nwalu, aku a sumai ubana a uyamba u Likiya; wata, ilyuci i Lisitira n Daraba n une iêya i kyawan le. 7 Nte a lyai pini kapala n uyan kuÉari ku Kadyanshi ka Shinga. 8 A Lisitira vi, Bulus n Bara̱naba a cinai vuma roku uza Éa a matsai kawunu, uza Éa tun a matsa yi u wala wa. 9 Wa̱ri a upana kuÉari ku Bulus wa̱ri uyan, pini nala, Bulus wenei vuma vi wa̱ ta̱ n upityanangu u Éa u rawai a ta̱na̱sa̱ yi. 10 Aku u danai, “êYa̱nga̱ vu shamgba n aêene a vunu.” Kuteâkute vuma vi u êya̱nga̱i u gita̱i nwalu. 11 An kakuma̱ ka wenei ili iêya Bulus yain, aku a êya̱nga̱sa̱i ala̱ga̱tsu n kaletsu ka aza a Likiya, a danai, “Ama a na yi ashila̱ a roku a Éa a cipa̱ tsu n iryoci i ama!" 12 Aku a na̱ka̱i Bara̱naba kala Zafosa, Bulus kpam Hamisa kpaci aya kayain ka kadyanshi. 13 Pini nala, kaÉara̱kpi ka katani ka Zafosa kameli ka ka̱ri a uroto u ilyuci vi u kalai anaka n apa̱lu u tukoi a Éa a utsutsu u ilyuci vi, tsa̱ra̱ eyi n ama a ne a yanka asuki yi uÉara̱kpa. 14 Shegai an asuki yi a panai nala, aku a kara̱sai aminya a le adama a unamgbukatsuma̱, a uwai a asuvu a kakuma̱ ka ama ki n ilyaÉi n a dansi, 15 “Atoku a tsunu, ndya i zuwai ya yan naha? A̱tsu dem ama Éa tyoku u Ée. Kadyanshi ka Shinga ka tsu tuko Éa̱ tsa̱ra̱ i kpatala i a̱sa̱ka̱ ili i gbani i nala yi i gono a asu u Kashila̱ Uza u Uma, uza Éa u yain zuba n likimba n kushiva̱ n gba̱ ili iêya iêa̱ri pini a asuvu a le. 16 Caupa u a̱sa̱ka̱ ta̱ gba̱ ama a likimba a yain ili iêya i luwa le. 17 Shegai u tsu wenike ta̱ kaci ka ne a asu u ili i shinga iêya u tsu yansa. Kashila̱ ka tsu suku ta̱ mini ma zuba, tsa̱ra̱ iceshi i Ée i yain. U na̱ka̱ Éa̱ kpam ilikulya kpam u zuwa Éa̱ ipeli." 18 Gba̱ n kadyanshi ka a yanka le vi, she na a ma̱tsa̱i aku a fuÉai a Éishinka le uÉara̱kpa vi adama a le. 19 Shegai aza a Yahuda a roku a wuta̱i a uyamba u Antakiya n Ikaniya a leshei ama yi a vara̱sai Bulus a rono yi ubana a uroto u ilyuci, n a dani u kuwa̱ Ée. 20 An Atoni a tuwa̱i a kyawan yi, aku u êya̱nga̱i u gonoi pini a ilyuci yi. An kain ka wansai aku a lazai ubana a Daraba kaÉolo n Bara̱naba. 21 An Bulus n Bara̱naba a yain kuÉari ku Kadyanshi ka Shinga a Daraba, a tsa̱ra̱ ta̱ Atoni ushani. Pini nala, a gonoi a Lisitira n Ikaniya n Antakiya u Bisidiya. 22 A gbamatangusu ta̱ atakasuvu a ama a Kashila̱ n a Éara le a shamkpa upityanangu u le mai, n a dansi, “She tsu pana ikyamba aku tsu tsa̱ra̱ uêuwa a tsugono tsu Kashila̱." 23 Bulus n Bara̱naba a yain kavasu n kakuli, aku a Éanga̱sa̱kai kuwa ku Atoni dem nkoshi. A na̱ka̱ le a asu u Asheku uza Éa nkoshi mi n wushuki n eyi. 24 An a tonoi a Bisidiya aku a rawai a Bamafiliya. 25 An a yain kuÉari a Paraga, aku a lazai ubana a Ataliya. 26 Pini nala, a uwai a kpatsu a banai a Antakiya, a asu u Éa caupa a yanka le kavasu tsa̱ra̱ Kashila̱ ka kirana n ele a asuvu a manyan ma a kotsoi vi. 27 N urawa u le, aku a Éolomgbonoi ama a Kashila̱ a asu u te a tonuko le ili iêya Kashila̱ ka yain adama a le, n tyoku Éa kpam u kukpunka̱i Awulawa ure u upityanangu. 28 Aku a Éa̱ra̱kpa̱i pini n ama a Kashila̱.