2 Timoti 1

1 Mpa Bulus, kasuki ka Yesu Kirisiti Kawauwi, kpaci nala Kashila̱ ka cigai u woko. Yan Éa u yain nala tsa̱ra̱ n tonuko ama an Kashila̱ ka zuwamgbanai ka na̱ka̱ ya dem uma a asu u Yesu Kawauwi. 2 Timoti, koronku Éa ma koronku vu, avu maku ma ma ciga cika. Kashila̱ ka Tata u tsunu, Yesu Kawauwi kpam Asheku a tsunu. Kavasu ka va̱ ka, a wenike vu ukuna u shinga u le n u pana u asuvayali, a na̱ka̱ vu kpam uma u ndishi n shinga. 3 Kaara n kayin n tsu ciÉa vu ta̱ a asuvu a kavasu. Ma yan baci kavasu, aku n cikpa Kashila̱ adama a vunu. Kashila̱ ka ma gbashika n uyawunsa u shinga tyoku Éa isheku i cau i va̱ i yain aêayin a Éa aêa̱ri n uma. 4 Ma ma̱tsa̱ ta̱ gai n uciga n doku n wene vu, kpaci n ciÉa ta̱ tyoku Éa vu sa̱i n meshi an tsu pecemgbenei. Ma yan ta̱ kpam maza̱nga̱ tsu doku baci tsu gawunsai. 5 N reve ta̱ vu wushuku ta̱ n Kashila̱ mayun, kpaci va̱ ta̱ n upityanangu tyoku Éa mma u vunu Afiniki wa̱ri, tyoku Éa kpam mma u mma u vunu Loi u wushuki. 6 Adama a nala a Éa ma tonuko vu, vu fula̱ akina a kune ku Kashila̱ ka na̱ka̱ vu an n taÉanku vu akere. 7 Kpaci Kashila̱ ka yan atakasuvu a tsunu tsa̱ra̱ tsu pana uwonvo u ama wa, shegai u na̱ka̱ tsu ta̱ atakasuvu a ucira a Éa aêa̱ri ushaÉangi n uciga, u tsu Éa̱nga̱ tsu ta̱ kpam tyoku Éa tsa fuÉa tsu ka̱na̱ kaci ka tsunu. 8 Vu tonuko ama ukuna u Asheku a tsunu, kpam kotsu vu pana uwonvo u ili iêya ama a ka dana an va yan nala wa. Kpam kotsu vu pana uwono u va̱ a kapala ka ama an a ka̱na̱ mu adama a Kirisiti Kawauwi wa. Shegai, adama a ucira u Éa Kashila̱ ka na̱ka̱ vu, vu Éolomgbono kaci na̱ mpa tsu pana ikyamba adama a Kadyanshi ka Shinga ka ne. 9 Kashila̱ ka wauwa tsu ta̱ kpam u Éanga̱sa tsu tsu rongo n uma u uwulukpi. Tun kahu a yain likimba Éa u foÉusoi u yain ili i na yi nala. Ciga Éa u cigai u wenike tsu uciga u ne n ukuna u shinga u ne a akere a Yesu. U Éanga̱sa tsu adama a Éa tsu yain ili iêya tsu rawai wa. 10 Kashila̱ ka ka yain ili iêya ma dansa̱ka na vi a kateshe, aêayin a Éa Yesu Kawauwi tuwa̱i u wacinsai ucira u ukpa̱, u wenike tsu kpam ure u uma u Éa bawu wa̱ri n utyoku. Kawauwi ka tsunu ka, kpam alabari a Kadyanshi ka Shinga a Éa gai na vi. 11 Gogoâna, Kashila̱ ka Éanga̱sa mu ta̱ n dana ili i na yi, u Éanga̱sa mu kpam n woko kasuki, u zuwa mu n woko kawenishiki ka Kadyanshi ka Shinga. 12 Adama a nala a Éa ma pana ikyamba pini a kuwa ku aêali ku na ki. Shegai ma pana uwono wa kpaci n reve ta̱ uza Éa n wushuki n eyi, kpam n reve ta̱ wa fuÉa ta̱ wa kirana n iêya n na̱ka̱ yi vi, u kirana kpam n iêya hal kain ka wa gono. 13 Ka̱na̱ ili iêya n wenishike vu vi mai, i woko iryoci i uwenishike u shinga. Kpam vu ciÉa vu wushuku n Yesu Kawauwi vu cigi ama adama a ne. 14 Vu guÉi ili iêya u na̱ka̱ vu. Kulu Keri ka̱ ta̱ asuvu a tsunu kpam ka Éa̱nga̱ vu ta̱ vu yain ili i na yi. 15 Tyoku Éa vu revei u Éa, ama a tsunu a uyamba u Asiya a êyuwan mu ta̱ uÉa̱nga̱, hal n Fijala n Hamajana dem a kpatala̱ka mu kucina̱. 16 Ma ciga ta̱ Asheku a wenike Onisifara n kuwa ku ne asuvayali, kpaci u tsu tuwa̱ ta̱ n u wene mu n u gbamatangusu mu asuvu. U pana uwono u va̱ adama a Éa ma̱ri a kuwa ku aêali wa. 17 An u tuwa̱i a Roma, she na u boloi asu u Éa ma̱ri u wene mu. 18 Adama a nala, ma ciga ta̱ Magono ma Zuba ma pana yi asuvayali kain ka Kawauwi ka gono. Kpam vu reve ta̱ an Onisifara Éa̱nga̱ mu cika a Afisu.