2 Bituru 3

1 Aza Éa ma ciga, gogoâna n koronku Éa̱ Ée ikanikorongi i re, kpam a asuvu a ikanikorongi yi n ma̱tsa̱ ta̱ tsa̱ra̱ n zuwa Éa̱ i yawunsa mai kpam i ciÉa dere. 2 Ma ciga ta̱ i ciÉa i reve kpam n akani a ntsumate ma uwulukpi n caupa, ma ciga ta̱ kpam i ciÉa i reve kpam ili iêya Asheku n Kawauwi ka tsunu ka zuwai asuki a tonuko Éa̱ i yain. 3 Wa̱ ta̱ n kalen cika i reve a aêayin a makorishi a ka yan ta̱ aza a majari, aza Éa a ka dosuso ukuna u maci, a yain gba̱ ili i cingi iêya a ka ciga a yain. 4 A ka dana ta̱, “Utuwa̱ u Éa u zuwamgbanai wa tuwa̱ vi u Éa te? Azapige a kagita̱ a kuwa̱ Ée gba̱, kpam ko ndya wa iêa̱ ta̱ tyoku Éa iêa̱ri tun a kagita̱ ka uyan likimba." 5 Shegai ama a na yi a zuwa ta̱ kaci ka le a a̱sa̱nsa̱i an tun caupa Kashila̱ ka yain zuba, u wutukpa̱i uyamba a asuvu a mini u zuwai kpam mini ma kyawain uyamba vi n kadyanshi ka ne. 6 An a tsa̱ra̱i a yain aêayin, Kashila̱ ka zuwai mini ma nala mi ma wacinsai likimba. 7 Shegai Kashila̱ ka tonuko ta̱ zuba n likimba u gogoâna a yain pini hal ubana kain ka afada. Pini nala, aku akina a tuwa̱ le, kpam a wacinsa aza Éa bawu a wushuki n Kashila̱. 8 Aza Éa ma ciga, kotsu i a̱sa̱nsa̱ an Kashila̱ ka tsu wene kain ka te yavu ayen kazu ka te wa, u wene kpam ayen kazu yavu kain ka te. 9 Aza roku a bidya ta̱ Magono ma Zuba ma Éa̱ra̱kpa̱ ta̱ kahu u shaÉangu kazuwamgbani ka ne, shegai nala wa̱ri wa, wa Éa̱ra̱kpa̱ tyoku Éa a ka yawunsa wa. Wa̱ ta̱ n ahankuri ara Ée. Wa ciga ko uza u kuwa̱ wa, shegai wa ciga ta̱ ya dem u kpatala ugono ara ne. 10 Kain ka Asheku ka̱ ta̱ a utuwa̱ ka danda ama tyoku Éa kaboki ka tsu tuwa̱. Zuba kpam wa kotso ta̱ n mawura̱ ma pige, aku akina a runukpa ko ndya wa. Wa wenike ta̱ ya dem tyoku Éa a ka toÉugbo likimba n gba̱ ili iêya iêa̱ri pini kpam a kiÉa̱ga u Éa ugana. 11 An u wokoi a ka wacinsa ko ndya wa, icun i ama a eni a Éa ya woko? Adama a nala she i gbashika kpam i na̱ka̱ Kashila̱ tsupige n uma u Ée. 12 I zuwa aêeshi a Ée a kain ka nala ki i Éa̱nga̱ ka ka tuwa̱ gogo. Aêayin a nala yi a ka wacinsa ta̱ zuba n akina, kpam gba̱ iêya iêa̱ri pini a akina yi i dara̱kpa. 13 Shegai tsa vana ta̱ zuba u savu n likimba u savu u Éa Kashila̱ ka zuwamgbanai wa yan, likimba Éa gba̱ aza Éa aêa̱ri pini a ka yan ili iêya Kashila̱ ka danai iêa̱ri dere. 14 Aza Éa ma ciga, adama a nala, she i rongo na̱ ndishi n shinga n Kashila̱ kpam i yain gba̱ iêya ya yan i rongo mai bawu unyushi u cingi a asuvu a aêayin a Éa ya vana ukuna u na u gita̱ vi. 15 Kotsu i ciÉa, Magono ma Zuba uvana u Éa wa̱ri tsa̱ra̱ ama a tsa̱ra̱ kabala ka a ka tsa̱ra̱ iwauwi. Tyoku Éa utoku u tsunu Bulus uza Éa tsa ciga, u koronku Éa̱ n ureve u Éa Kashila̱ ka na̱ka̱ yi. 16 Bulus yan ta̱ kadyanshi ka ili i na ki asuvu a gba̱ ikanikorongi iêya u korongusi, shegai ili i roku iêya u korongi vi i wuyana ta̱ ureve. Aza roku aza Éa bawu a revei ili n aza Éa bawu a shamkpai kaci ka le a asu u te a vura̱ ta̱ ikanikorongi i ne yi tsa̱ra̱ i na̱ka̱ kalen ka roku kau. Nala dem a tsu yan n apashi a roku a Tagara̱da u Kashila̱. Pini na kaci ka le ka a ka ronuko uwacinsa. 17 Aza Éa ma ciga, a rono Éa̱ ta̱ atsuvu kaku kahu kain ki, i kirana kotsu unyushi u ama a cingi u na u pura̱ Éa̱ ugboji wa. Shamgbai a asuvu a uwushuku u Ée, kotsu i rukpa̱ wa. 18 I lyai kelime n ugbama a asuvu a ukuna u shinga n ureve u Yesu Kirisiti Asheku n Kawauwi ka tsunu. A̱sa̱ka̱ tsupige n karinga̱ u woko ara ne n gogoâna hal ubana. Ami.