2 Korintiya 8

1 Aje a va̱, tsa ciga ta̱ i reve tyoku Éa Kashila̱ ka wenikei ukuna u shinga u ne a aêuwa a Atoni a uyamba u Masidaniya. 2 A pana ta̱ ikyamba kpam n unambi cika, shegai maza̱nga̱ ma le ma kotso wa, kpam a na̱ka̱ ta̱ ili iêya i lai iêya a ka ciga le a na̱ka̱. 3 A̱sa̱ka̱ gai n tonuko Éa̱, a na̱ka̱ ta̱ tyoku Éa a ka fuÉa hal gba̱m u lai ushani. Ko uza u tonuko le a yain nala wa. 4 Shegai a rongo tsu ufolo tsu a̱sa̱ka̱ le dem a Éa̱nga̱ ama a Kashila̱ aza Éa aêa̱ri a Urishelima. 5 Tsu yawunsa gba̱m a ka fuÉa a ka na̱ka̱ nala wa! A gita̱ ta̱ a na̱ka̱i kaci ka le a asu u Asheku, aku ara tsunu. Ili iêya Kashila̱ ka ciga iêya la vi. 6 Taitu Éa gita̱ Éa̱ uwenishike una̱ka̱, adama a nala tsu folo yi u doku u gono ara Ée u Éa̱nga̱ Éa̱ tsa̱ra̱ i koruso ili iêya i gita̱i vi. 7 I yan ta̱ ko ndya wa mai hal gba̱m i pasa̱kai cika: Iêa̱ ta̱ n upityanangu kpam iêa̱ ta̱ uyan u kadyanshi ka shinga. Iêa̱ ta̱ dem n ureve, kain dem ya ciga i Éa̱nga̱, kpam ya ciga tsu cika. Adama a nala, tsa ciga Éa̱ ta̱ i yain ukuna u shinga vi mai a asu u una̱ka̱ yaa. 8 Shegai dana Éa n danai she i na̱ka̱ ko bawu ya ciga wa, ko an u wokoi aêuwa a Atoni a roku a ka ciga ta̱ a yain nala. Ure u roku u Éa dem u Éa ya wenike uciga u maci. 9 I reve ta̱ ukuna u shinga u Yesu Kawauwi Asheku, i reve ta̱ an Kawauwi ka̱ri n utsa̱ri, shegai adama a Ée u woko ta̱ uza u unambi, tsa̱ra̱ adama a unambi u ne eÉa̱ i tsa̱ra̱ utsa̱ri. 10 Adooki a va̱ a Éa na: NaÉalu eÉa aza a kagita̱ aza Éa i cigai i na̱ka̱, kpam eÉa aza a kagita̱ a Éa i na̱ka̱i vi. 11 Gogoâna, ma ciga ta̱ i koruso manyan ma i gita̱i uyan vi. Wenikei an ya fuÉa ya koruso manyan mi n maloko tyoku Éa i gita̱i ma. Na̱ka̱i a asuvu a ili iêya iêa̱ri n iêya. 12 Ya ciga baci i na̱ka̱, wa yan n kalen ko ndya i na̱ka̱i wa, kpaci Kashila̱ ka la ta̱ uciga i na̱ka̱ a asuvu a ili iêya iêa̱ri n iêya, shegai i na̱ka̱ ili iêya bawu iêa̱ri n iêya wa. 13 Ma ciga i na̱ka̱ ili ushani hal i woko bawu ili, aku i rongo a upana ikyamba an bawu iêa̱ri n ili wa. Ma ciga ta̱ uza Éa baci dem wa̱ri pini u zuwa kukere dere. 14 Gogoâna naha, iêa̱ ta̱ n ili ushani. Ili iêya iêa̱ri n iêya ya fuÉa ta̱ ya Éa̱nga̱ aza Éa bawu aêa̱ri n ili. Aku ubana a kapala a tuwa̱ baci a tsa̱ra̱i, aku a Éa̱nga̱ Éa̱ dem aêayin a Éa baci bawu iêa̱ri n iêya, pini nala, she i woko una̱ u te. 15 Tagara̱da u Kashila̱ u dana ta̱, “Uza Éa baci Éolongi ili ushani, i tsu pasa ili iêya wa ciga wa, shegai uza Éa baci Éolongi kenu, wa namba ili wa." 16 N cikpa ta̱ Kashila̱ an u zuwai Taitu wa ciga Éa̱ tyoku Éa ma ciga Éa̱. 17 Taitu wushuku ta̱ u yain ili iêya tsu tonuko yi u yain. Wa̱ ta̱ n maluwa cika ma wa ciga u tuwa̱ ara Ée, tun bawu tsu tonuko yi gba̱m nala. 18 Aya la tsa suku kaÉolo n utoku uza Éa wa̱ri Katoni, uza Éa kpam gba̱ Atoni a ka cikpala adama a manyan ma ne a asu u uyan kuÉari ku Kadyanshi ka Shinga. 19 Atoni yi a Éanga̱sa yi ta̱ dem u bana kaÉolo n a̱tsu tsa na̱ka̱ baci kune ku na ki. Yan Éa tsa yan manyan ma na mi tsa̱ra̱ tsu na̱ka̱ Asheku tsupige, kpam tsu wenike an tsa ciga tsu Éa̱nga̱ cika. 20 Kpaci tsa ciga ko uza u ka̱na̱ tsu n unyushi u tyoku Éa tsu na̱ka̱i kune ku pige ku na ki wa. 21 Shegai tsa ciga ta̱ tsu yain ili iêya Asheku a ka pana kayanyan n ili iêya iêa̱ri dere a aêeshi a ama. 22 Tsa suku ta̱ dem vuma roku kaÉolo n ama a re a nala yi. Kain dem vuma na wa̱ ta̱ ufoÉusi adama a uÉa̱nga̱. U wenike tsu ta̱ nala a ure kauâkau, kpam gogoâna dem wa la ta̱ uciga uÉa̱nga̱. Kpaci u wushuku ta̱ n a̱Éa̱ cika. 23 Uza roku u wecike baci Taitu, i dana utoku u va̱ u Éa uza Éa wa yan manyan na̱ mpa tsa̱ra̱ u Éa̱nga̱ Éa̱. Aêuwa a Atoni a suku ta̱ ama a na yi ara Ée, kpam a tuko ta̱ tsupige a asu u Kawauwi. 24 Wenike le uciga, tsa̱ra̱ gba̱ aêuwa a Atoni a reve an tsu yain dere a asu u maza̱nga̱ n iêya tsu yain adama a Ée.