2 Korintiya 1

1 Mpa Bulus, Kashila̱ ka ka cigai ka Éanga̱sa mu n woko kasuki ka Yesu Kirisiti Kawauwi. Timoti wa̱ ta̱ pini kaÉolo na̱ mpa aêayin a Éa n korongi ukanikorongi u na vi. Kuwa ku Atoni ku Kashila̱ ka ka̱ri a ilyuci i Korintiya ka ma koronku, n gba̱ aza Éa aêa̱ri ama a Kashila̱ a kapashi ka Akataya. 2 A̱sa̱ka̱ Kashila̱ Tata u tsunu n Yesu Asheku Kawauwi a na̱ka̱ Éa̱ ukuna u shinga na̱ ndishi n shinga. 3 Cikpai Kashila̱ eyi uza Éa wa̱ri Tata u Asheku a tsunu Yesu Kawauwi! Kashila̱ Tata aya uza Éa wa̱ri n iyali kpam n una̱ka̱ ndishi n katakasuvu. 4 U tsu na̱ka̱ ta̱ ndishi n katakasuvu aêayin a Éa baci tsa̱ri a asuvu a kadambula, tsa̱ra̱ tsu na̱ka̱ aza roku ndishi n katakasuvu. Aêayin a Éa baci aza roku aêa̱ri a asuvu a kadambula, tsa fuÉa ta̱ tsa na̱ka̱ le icun i ndishi n katakasuvu n nala n Éa Kashila̱ ka na̱ka̱ tsu vi. 5 Mayun Éa wa̱ri an tsa pana ikyamba cika adama a Kawauwi. Mayun Éa kpam tsu tsu tsa̱ra̱ ndishi n katakasuvu cika adama a Kawauwi. 6 Tsu pana baci ikyamba, tsa zuwa ta̱ uma u Éa Kashila̱ ka na̱ka̱ Éa̱ ndishi m atakasuvu n iwauwi adama a upana u ikyamba u nala vi. Aêayin a Éa baci dem Kashila̱ ka na̱ka̱ tsu ndishi n katakasuvu, tsa̱ra̱ tsu gbamatangu Éa̱ Éa. Kpam i fuÉa i kawunku n ahankuri a upana u ikyamba vi. 7 Uzuwa u uma u tsunu ubana ara Ée wa̱ ta̱ n ucira, kpaci tsu reve ta̱ i pana baci ikyamba tyoku Éa a̱tsu tsu panai, ya wusha ta̱ ndishi n katakasuvu tyoku Éa a̱tsu tsu wushai. 8 Ama a va̱, tsa ciga ta̱ i reve tyoku Éa tsu panai ikyamba a uyamba u Asiya. A zuwuka tsu ta̱ ukuna u Éa u lai ucira u tsunu, hal tsu takpai uma gba̱m tsa yan uma kpam wa. 9 Mayun Éa, tsu zuwa ta̱ tsa kuwa̱. Shegai ukuna u nala u zuwa tsu ta̱ tsu gita̱ uwushuku n Kashila̱, shegai kaci ka tsunu wa, kpaci aya u tsu êya̱nga̱sa̱ akushe. 10 Kashila̱ ka wauwa tsu ta̱ aêayin a Éa tsu yain evu n ukuwa̱ vi, tsu reve ta̱ kpam wa lya kapala n uwauwusa tsu. 11 Wa wauwa tsu ta̱ kpaci eÉa̱ ya Éa̱nga̱sa̱ tsu ta̱ an ya yansa̱ka tsu kavasu. Adama a nala, Kashila̱ ka wushuku ta̱ kavasu ka Ée. Wa zuwuka tsu ta̱ una̱ u shinga, kpam ama ushani a ka cikpa yi ta̱ adama a ili iêya u yanka tsu. 12 Tsu ciÉa baci n ili iêya tsu yain, tsu tsu dana ta̱ tsu yan ta̱ maza̱nga̱ an bawu tsu yain ukuna u gbani. Kain dem tsu tsu rongo ta̱ mai, kpam tsu tsu sokonku Éa̱ ko ili wa. Ukuna u shinga u Kashila̱ u Éa u zuwai uyan ili i nala yi gba̱, ugboji u likimba u Éa wa. Tsu rongo ta̱ mai ko nte wa, hal gai u ka̱na̱ baci n a̱Éa̱. 13 An tsu koronku Éa̱ vi, tsu yan ta̱ kadyanshi n a̱Éa̱ karara, tsu sokonku Éa̱ ko akani a te wa. Adama a nala, n zuwa ta̱ uma ya reve ta̱ gba̱ iêya tsu korongi. I tsa̱ ta̱ i revei ili i roku a ili iêya tsa tono, shegai tsu zuwa ta̱ uma ubana kapala ya reve ta̱ iêya mai mai, tsa̱ra̱ kain ka Yesu Asheku a tsunu ka yan baci, ya yan ta̱ maza̱nga̱ adama a tsunu, a̱tsu kpam tsu yain maza̱nga̱ adama a Ée. 15 N reve ta̱ ukuna u na vi mai, Éa gai i zuwai ma̱ri n foÉusoi ma tuwa̱ n kyawan Éa̱ ve n kagita̱ ki, nala Kashila̱ ka zuwuka Éa̱ una̱ u shinga kpaci ma̱ri ma tuwa̱ ta̱ ara Ée kure. 16 Ma̱ri ma ciga ta̱ n Éatsa n kyawan Éa̱ aêayin a Éa n wurai ubana a uyamba u Masidaniya n aêayin a Éa kpam ma wura ugono. Aku iêa̱ri i Éa̱nga̱ mu kpam i soku mu a nwalu n va̱ ubana a kaÉon ka Yahuda. 17 N reve ta̱ ya wecike ta̱ ili iêya i Éishinka mu uyan iêya n foÉusoi vi. Kadyanshi ka uvurusa̱ aêene ka ma yanka Éa̱ wa. Gogoâna n woko la vi Ée tyoku u ama a likimba aza Éa a ka dana ukuna aku a gono a kpa̱Éa̱ u Éa ushaÉangu? 18 I reve ta̱ gai Kashila̱ uza Éa i wushuku n eyi Éa, nala dem u gan ta̱ i reve an tsu tsu dana “Eye” aku tsu gono tsu dana “Aêa” kute wa. 19 Kpaci Yesu Maku ma Kashila̱ u tsu dana “Eye” aku u gono u dana “Aêa” kute wa, shegai u tsu rongo ta̱ n katakasuvu ka te. Aya uza Éa mpa n Sila n Timoti tsu yanka Éa̱ kadyanshi a kaci ka ne. 20 Kpaci aya u shaÉangi gba̱ kazuwamgbani ka Kashila̱. Adama a nala a Éa tsu tsu dana “Ami” tsu na̱ka̱ baci Kashila̱ tsupige a asuvu a kala ka Kawauwi. 21 CiÉai, Kashila̱ ka ka tsu zuwa Éa̱ hal n a̱tsu dem tsu yain ucira a asu u Yesu. Kashila̱ ki aya dem u Éanga̱sa tsu. 22 U kaara tsu ta̱ kugyan tsa̱ra̱ u wenike an a̱tsu ama a ne a Éa koshi. U zuwuka tsu ta̱ dem Kulu ku ne a asuvu a atakasuvu a tsunu tyoku u uzuwamgbana tsa̱ra̱ u wenike tsu an ili i roku iêa̱ri a utuwa̱. 23 KaÉan ka baci ma yanka Éa̱ an n danai n êyuwan ugono a Korintiya vi adama a Éa bawu ma ciga n yan Éa̱ mavura, a̱sa̱ka̱ Kashila̱ ka yan mu mavura. 24 Ili iêya ya wushuku n iêya, iêya tsa tonusuko Éa̱ wa. Tsu reve ta̱ iêa̱ ta̱ n upityanangu u ucira, adama a nala a Éa iêa̱ri n ucira. Tsa ciga ta̱ tsu yain manyan kaÉolo n a̱Éa̱ tsa̱ra̱ i shaÉangu n maza̱nga̱.