1 Tasaloniya 4

1 A makorishi ama a va̱, tsa folo Éa̱ ta̱ adama a kala ka Yesu Asheku i rongo a ure u Éa Kashila̱ ka pana kayanyan. Tsu wenishike Éa̱ Ée nala vi kpam hal n gogoâna nala iêa̱ri uyansa. Tsu gbamatangu Éa̱ ta̱ i lyai kapala n uyansa nala 2 kpaci i ciÉa ta̱ ili iêya tsu wenishike Éa̱ a asuvu a kala ka Yesu Asheku. 3 Tsa ciga Éa̱ ta̱ i rongo uwulukpi, kotsu i suma unyushi u cingi u tsishankala. 4 Ya dem u fuÉa u guÉi ikyamba i ne i rongo ure u Éa wa̱ri uwulukpi n u Éa kpam ama a ka na̱ka̱ karinga̱. 5 Kotsu i woko agbashi a uciga u atakasuvu a Ée tyoku Éa Awulawa a tsu yan wa, kpaci a reve Kashila̱ n ire i ne wa. 6 Kotsu vu ryafa utoku u vunu Katoni vu bidya uka u ne wa, kpaci Asheku a ka foro ta̱ gba̱ aza a icun i unyushi i cingi i nala yi. Tsu rono Éa̱ ta̱ atsuvu caupa. 7 Kashila̱ ka isa̱ tsu ta̱ tsu woko uwulukpi, u isa̱ tsu tsa̱ra̱ tsu rongo uma u Éa wa̱ri n ashinda̱ wa. 8 Gba̱ uza Éa baci u kpa̱Éa̱i utono ukuna u na vi, ukuna u vuma Éa u kpa̱Éa̱i una̱ka̱ karinga̱ wa, shegai Kashila̱ ka wa̱ri uêyuwan, uza Éa u na̱ka̱ Éa̱ Kulu Keri ku ne. 9 Kashila̱ n kaci ka ne u wenishike Éa̱ ta̱ i cigi atoku a Ée, adama a nala ili iêa̱ la ya zuwa mu n koronku Éa̱ ukuna u uciga u Atoni u Éa ya wenike asu u ama a Kashila̱ wa. 10 Mayun Éa, ko gogoâna iêa̱ ta̱ n uciga ushani ubana a asu u Atoni a Éa aêa̱ri a uyamba u Masidaniya. Ama a va̱, ko an u wokoi nala, tsu folo Éa̱ ta̱ i doku i cigi le cika. 11 Ili iêya ya ciga cika iêya: i rongo n uma u Ée shiriri, yawunsai a ukuna u manyan ma Ée koshi, kpam i yain manyan n akere a Ée, tyoku Éa tsu tonuko Éa̱ caupa. 12 Adama a nala, ama Éa bawu aêa̱ri Atoni a ka na̱ka̱ Éa̱ ta̱ karinga̱ adama a uma u Éa ya rongo, kpam ya zuwa ucira u Ée a asu u ama a na̱ka̱ Éa̱ ikebe wa. 13 Ama a va̱, ma ciga ta̱ i reve ili iêya ya gita̱ n Atoni a Éa a kuwa̱i. Kotsu i shaÉangu n unamgbukatsuma̱ adama a le tyoku u ama Éa bawu aêa̱ri n uzuwa u uma wa. 14 Tsu wushuku ta̱ Yesu kuwa̱ ta̱ kpam u êya̱nga̱i n uma. Kpam dem tsu wushuku ta̱ Kashila̱ ka gonuko baci Yesu, wa gonuko yi ta̱ kaÉolo n ama Éa a pityanangi n eyi kahu a kuwa̱. 15 Yesu Asheku u tonuko tsu ta̱ u gono baci, a̱tsu aza Éa tsa̱ri n uma aêayin a Éa Asheku a ka gono vi, tsa uwa a kapala ka aza Éa a lasa tsu wa. 16 Asheku n kaci ka ne wa cipa̱ ta̱ a zuba. Aêayin a nala yi ama a ka pana ta̱ kala̱ga̱tsu ka Asheku, kpam a ka pana ta̱ isali i pige a asu u uzapige u atsumate a zuba, a ka pana̱ka le ta̱ a fula̱ kavana ka Kashila̱. Nala gita̱ baci, aku aza Éa a kuwa̱i a asuvu a Kawauwi a gita̱ a êya̱nga̱. 17 A̱tsu aza Éa tsa̱ri n uma a likimba, a ka canga tsu ta̱ a asuvu a alishi tsu gawunsa n Asheku a zuba, kpam tsu rongo n eyi Ée maco. 18 Nala ya gbamatangu atoku n kadyanshi ka nala ki.