1 Korintiya 5

1 N pana ta̱ a da uza roku a asuvu a Ée u yan ta̱ tsishankala, a da wa vakusu n uka u tata u ne. Ko aza Éa gba̱m bawu a revei Kashila̱ a kovo ta̱ ucun u unyushi u nala vi. 2 Ya yan ara̱Éi, a una̱ u Éa ya namgba katsuma̱. U gan ta̱ gba̱m i loki yi kpam i wutukpa̱ yi a asuvu a ama a Ée. 3 Ko an u wokoi ma̱ ta̱ mÉa̱ri n a̱Éa̱, n tsu ciÉusa ta̱ n a̱Éa̱. N yan ta̱ afada yavu ma̱ pini kaÉolo n a̱Éa̱. N ucira u Éa Yesu Asheku a na̱ka̱ mu, n kiÉa̱ga ta̱ vuma Éa u yain unyushi u cingi u nala vi ugana yavu ma̱ pini n a̱Éa̱. 4 Aêayin a Éa baci i isa̱i ndishi a ukuna u na vi, kulu ku va̱ ka̱ ta̱ n a̱Éa̱, ucira u Yesu Asheku kpam wa rongo ta̱ n a̱Éa̱ pini a asu vi. 5 U ka̱na̱ ta̱ i neke vuma u nala vi a asu u Kanangasi.â  Kanangasi ka wacinsa ta̱ ikyamba i ne, shegai a ka wauwa ta̱ kulu ku ne kain ka baci Yesu Asheku u gonoi. 6 Ara̱Éi a Ée a gan wa. I reve ta̱ kalen ka udani u Éa u danai, “Maku ma yisti kenukulu ma ma tsu zuwa kira ku akala ku kasasu ku shita.” Wata, i a̱sa̱ka̱ baci vuma Éa wa yansa tsishankala tsi u lyai kelime n a̱Éa̱, aza roku a asuvu a Ée a ka gita̱ ta̱ uyansa unyushi u cingi tyoku Éa wa yansa. 7 Tyoku Éa aza a Yahuda a tsu takpa gba̱ yisti Éa wa̱ri a aêuwa a le kahu a yain Abiki a Upasamgbana,â  nala dem ya takpa vuma u nala vi a asuvu a Ée. Kashila̱ ka wulukpe Éa̱ ta̱ adama a Éa Kawauwi ka kuwa̱i u wutukpa̱ tsu a unyushi u cingi. Wa̱ ta̱ tyoku u ncon n Éa aza a Yahuda a tsu kiÉa aêayin a Abiki a Upasamgbana caupa. 8 Adama a Éa wa̱ri mayun nala, u gan ta̱ tsu rongo uciÉusa a̱tsu ama a Kashila̱ a Éa. Tsu varangu yisti cau vi; wata, kotsu tsu rongoi n ahali a cingi n a malyon n ure u tsicingi tyoku Éa tsu yansai caupa kahu tsu woko Atoni wa, shegai tsu rongoi n ahali a shinga n ukuna u mayun tyoku u burodi u Éa bawu wa̱ri n yisti. 9 An n koronku Éa̱ caupa, n tonuko Éa̱ ta̱ kotsu i pecemgbene n ama Éa a ka yansa tsishankala. 10 Aza Éa bawu aêa̱ri Atoni alya ma dansa̱ka wa. Mayun Éa aza roku a asuvu a le a ka yansa ta̱ tsishankala. Aza roku a le a ka yansa ta̱ kurura, aza roku aza a mawusuka, aza roku kpam aza a ulyasa̱ka ameli kayala a Éa. Ya ciga baci i pecemgbene n icun i ama a nala yi, u ka̱na̱ ta̱ she i a̱sa̱ka̱ likimba. 11 Ili iêya ma tonusuko Éa̱ iêya, i pecemgbene n uza Éa wa isa̱ kaci ka ne Katoni, shegai wa yansa tsishankala, ko kpam wa yansa kurura, ko kpam uza Éa wa lyasa̱ka ameli kayala. I pecemgbene n uza Éa wa wishisa aza roku, ko kasoi, ko kpam uza u mawusuka. Kotsu gba̱m i lyai ilikulya kaÉolo n ucun u vuma u nala vi wa. 12 Ma̱ n ucira u Éa ma yanka aza Éa bawu aêa̱ri Atoni afada wa. Shegai iêa̱ ta̱ n ucira u Éa ya Éarana Atoni a Éa a yain icun i inyushi i nala. 13 Kashila̱ ka ka yanka aza Éa bawu aêa̱ri Atoni afada. Tagara̱da u Kashila̱ u dana ta̱, “Uza roku wa̱ baci uza u cingi a asuvu a Ée, loko ni."