Zabuli 149

1 Mtogoleni Mndewa Imulungu. Mwimbileni Mndewa Imulungu lwila lwa sambi, mumgwee nhogolwa mumting’hano wa wanhu otamanilwa. 2 Waizilaeli wamdeng’helele Mulumba wao, wanhu wa Sayuni watowe lukenze kwa Mndewa wao. 3 Waditogole twaga jake kwa kuvina, wamwimbile kwa ngoma na bango. 4 Kwavija Mndewa Imulungu konogezwa na wanhu zake, heyo kowavaza wahole ukombola. 5 Wanhu wang’alile wadeng’helele ukulu, na wembe kwa deng’ho mvisazi vao. 6 Wamgwee nhogolwa Imulungu kwa sauti ng’hulu, mmakono gao wagoge masime gokanha kuno na kuno, 7 ili wawabwezele gehile wanhu wa isi ziyagwe, wawakoboze makabila ga isi, 8 wawafunge wandewa zao kwa minyololo, na vilongozi zao kwa mhingu za zuma, 9 ili kuwatendela nhaguso ilondeka kumwao. Uno awo ukulu wa wanhu otamaniligwa. Mtogoleni Mndewa Imulungu.