Zabuli 129

1 “Wandununza ng’hani toka muubwanga wangu,” Waizilaeli walonge sambi, 2 “Wandununza ng’hani toka muubwanga wangu, lakini hawanihumile bule. 3 Wanilumiza mumgongo wangu, kamba walimaji ohimba miloka mitali. 4 Lakini Mndewa Imulungu mwene haki, kanilekesa kulawa muutumwa." 5 Wageligwe kinyala na wabwezigwe kuchugu, wose odihila buga da Sayuni. 6 Wawe kamba usoti uchanha ya ng’anda, onyala bila kukangala, 7 imunhu youkanha hamemeza ganza jake, na heyo youkuba hamemeza mkono wake. 8 Waja obita behi hawalonga, “Imulungu yakutende umwede. Tokutambikila kwa twaga da Mndewa Imulungu."