Zabuli 122

1 Ndeng’helela viwanilongele, “Tuchole mng’anda ya Mndewa Imulungu." 2 Avo, twima mdilango jako, gweye Yelusalemu. 3 Buga da Yelusalemu dizengwa, ili wanhu waiting’hane hamoja. 4 Mumo amo makabila ga Izilaeli gochola, makabila ga Mndewa Imulungu, kamba viwalagizwe, ili waditogole twaga da Mndewa Imulungu. 5 Mumo vikigwa vigoda va undewa va nhaguso, vigoda va undewa va ulelo wa Daudi. 6 “Dipulileni tindiwalo buga da Yelusalemu, Wose okunogela gweye wakale goya. 7 Tindiwalo dikale mgati kuluwa lwako, usalama ukale mzingome zako! 8 Mbuli ya ndugu zangu na mbwiga zangu, nolonga, ‘Tindiwalo dikale na gweye.’ 9 Mbuli ya ng’anda ya Mndewa Imulungu, Imulungu wetu, ‘Nokupulila umwede.’ “