Zabuli 1

1 Kamweda imunhu hacholaga mvitala va iwanhu otenda gehile, na hakwima bule mnzila ya iwanhu otenda nzambi, na hakala bule mvigoda va iwanhu wagewezi, 2 lakini kogadeng’helela malagizo ga Mndewa Imulungu, na kogagelegeza imisi na ikilo. 3 Ayo kaigala na biki dihandigwe kumgwazo wa vizanda, dolela matunda mkipindi chake, mijani yake hainyalaga. Kila kinhu kiyotenda chomweda. 4 Iwanhu wehile haweli vivo, lakini waigala na mipepe ihembeluswa na beho. 5 Avo iwanhu wehile ogwa kipindi cha nhaguso, na iwanhu wene nzambi honda wawe mumo mumting’hano wa iwanhu wanogile, 6 kwavija Mndewa Imulungu koijuwa inzila ya iwanhu wanogile, lakini inzila ya iwanhu wehile yohelela mkupotela.