PESALEM 11

1 Apômtau kêtu ŋoc lamu. Ma amboac ondoc asôm gêdêŋ aê gebe “Ôêc ôpi lôc ôna amboac moc. 2 Gôlicgac me, dedec-Anôtôwaga sêkac tikoc talam ma sêjô sôb e jadiŋgeŋ, sebe sêpô lau-ŋalêlôm-gêdêŋwaga êndêŋ gamêŋ ŋakesec. 3 Embe senseŋ mêtê ŋanombaŋ, naŋ gedeŋ ŋamalac tôŋ naŋ su ŋac gêdêŋ oc êsôm ŋabiŋ amboac ondocgeŋ." 4 Apômtau gêmoa nê lôm dabuŋ ŋalêlôm. Ênê lêpôŋ kêkô undambê. Eŋ mata geso lau gamêŋ samobŋa ma gêlic gêŋ, taŋ êsêac sêgôm naŋ. 5 Apômtau kêsaê ŋac gêdêŋ to ŋac, taŋ gedec eŋ naŋ kêtômgeŋ. Ma nê ŋalêlôm kêmoatiŋ tôŋ kêtu ŋac, taŋ gêgôm nê gêŋ togôliŋmê naŋŋa. 6 Eŋ kêkêŋ ja to talao gêjac lau sec amboac kom gêjac ma kêsakiŋ mu ŋandaŋ kêtu nêŋ gêŋ êlau êsêacŋa. 7 Apômtau eŋ ŋac gêdêŋ ma têtac gêwiŋ biŋgêdêŋ. Lau taŋ sêgôm ŋanô kêsa naŋ, oc sêmoa eŋ laŋônêmŋa. Dawidnê teŋ.