IBA GANA 45

1 Bi bayale maru i̱naga miniha yu ko. I̱na iba gana ogoni podo yuwa kini kagohondo mulene manda bido. Beba bayale gili biaganaga peni ale howa i̱naga hégeme bi bayale lalu ko. 2 ÃÌ  agali bayaore kegoni. Agali mende í̠ ale naheore. ÃÌ na bi laga biriligo baya tigabiore larili. Ngode Datagaliwabehanda í̠ mo bayale halu haabo kagome í̠ ogonibi kegoni. 3 ÃÌ  kini timbuni hongoheore kegoni. ÃÌ  baya burugule tara howa mini lene timbuni kegoni. ÃÌ naga wai biagane ayu tibu yaganeha yuwa wai bule manda manda bu habe. 4 ÃÌ  kini dunini mbira mini leneore kegoni. ÃÌ na henene lolene ngagobi mana tigabi dege bulene ngagobi ogoni wayali helonaga wai bule í̠naga nogo hosini biralu pobe. ÃÌ na wai hongo howa beregome í̠ni wayali holebere. 5 ÃÌ naga timu de bi̱a̱o̱le ngerume waitigi bu karunaga gubalinini bolomogo biaga ngegoni. ÃÌ na dindi tara taranaga hameigini karu baba wai bialu bope haregola ti í̠ andaneha hai holebira. 6 Ngode Datagaliwabe-o í̠ kini haluhe haabo haga kegoni. Wali agali í̠na hondo hene karu mana tigabi ngagoria helo haru haga kegoni. 7 ÃÌ  mana tigabi bulene ngago hamelowa mana ko ngago manga haga kegoni. Irane ogoninaga í̠naga Ngode Datagaliwabe ibugua í̠ dabo helene. Dabo helalu kini maru karu turu hagadagua ndo ti bolangua halu í̠naga haguaneni weli odo wiyagola í̠ mo turu taraore ho helene. 8 ÃÌ naga aga bayale luni biagimbu bu kegoni nga baya taraore mini muwe kasiala ngabini mbauleda. Kini andagaru nogo elebeninaga ne gayaneme mo yáribia halu anda uruniha tigua í̠ mo turu holenaga ngida aleru lalu kagoni. 9 Kini waneru wali mini lene berearu heba í̠ andagaha biru hayua. ÃÌ naga gi tigahayagi kuini wali ibu bedagoni. Ibu ngolo Obira dindi tawame yári wabini ngaru karulo beda. 10 Kini one wandari mabuage-o i̱na bi o larogo hale halu manda bibe. ÃÌ  damene bu karubi wali agali maru bu karubi mitangi budai nabibe. 11 ÃÌ na ogonidagua bialu í̠ wandari bayaleoreda de hondowa kini ibugua í̠ gubalini timbuni ho holebira. Ibu í̠naga agali haguane ka manda buwa í̠na ibunaga bi larago hale halu birulene nga. 12 Taia wali agali bu karume í̠ mo turu holene aleru yalu ibulebira. Wali agali homogo karumebi í̠ mo turu holene marubi yalu ibalu í̠hondo mulebira. 13 Kininaga wandari mabuage biago kini andaga tamu hobaneha bedago ibu baya gibiore mbira bedagoni. Ibu aga baya taraore pu ngolo aleme wabini mo karulo bedagoni. 14 Wandari o biago ibu aga baya taraore ogoni karula howa tigua ibu kini berearia haru halu piya. Wandari maru ibu baba biraga berearubi ti haru kini andaga pole haru piya. 15 Tigua turu timbuni halu bu miniha dungulo howa kini andaga anda piai haya. 16 Kini-o í̠ igini dewaore holebiraru tigua í̠ mamaliru henedagoria kini ha aribia holebira. ÃÌ na ti mini leneore helowa tigua wali agali dindi bibahendeha karu haru helo helolebere. 17 ÃÌ  mini lene timbuni kego lalu i̱na iba gana ogoni latagi harogola wali agali mani holobadarume í̠ mitangi biaabo holebira. Ani mitangi bialu wali agali bibahende bu karume í̠naga mini yaraga ho haabo holebira.