YUDIDI 9

1 Ani lalu Yudidi ibu pialu anda tamu biragane wiagoria bulu palu wini. Ibugua aga dara howa karulolene wiago karulaabo ho biruwa be abalu ibunaga haguaneni dugu hiruwa berene. Ani biruwa ai tigua Yarusaleme ira hagua ngabi biaga lomabu delalu howa Yudidi ibugua Ngode Datagaliwabehondo bi hongo howa ladaga halu lalu, 2 Anduane Homogo-o í̠ i̱naga mamali Simeononaga Ngode Datagaliwabeore kego í̠na agali dindi tarali hearume mana ko í̠na nabulene nga lalu lo wirigo biyagola í̠na Simeonohondo tiga bule pu lalu ayu tibu nene kirabaliha gadele wiago ibuhondo mirigoni. Agali tara urunime Simeono halu ti mbalini wandari mabuage bereagonaga aga minu budalu mana ko bule bialu hene. Ani buwa tigua aga budu wahai howa wandari ogoni kayu minalu mo ko hene. 3 Ani biyagola í̠na agali uruni tinaga agali haguane hearu tini dagia wali kayu biyagoria howa dege bo wahai harigoni. ÃÌ na agali biabe bia haga hearu heba tinaga agali haguane hearubi bo wahai halu handaya ho haga hearu bo wahai halu tinaga garabaya biabe ale bia halu haga hearubi heba bo wahai harigoni. 4 ÃÌ nime tinaga one wane berearu garabaya piai helalu tinaga dabudabu damene wiaru bibahende í̠ waneigini bayale bu hearu mo tahaga birigoni. Waneigini uruni tigua í̠naga mana lo ngago baya hangu taluwa bulene hame lo haga hene. Tigua mana ko tagabi ti dameneha biyadagonaga tandaga timbuni ho howa í̠na ti biamogo bia lowa í̠ni olalu hayagoni. I̱naga Ngode Datagaliwabe-o i̱ agalini homene i̱ wali dalo abogo beda lalu daga nalene nagalone bedogonigo ainde harugo lowa i̱naga bi larogo í̠na hale habe. 5 Mbirale áyu tagira ibirarunibi abale ibinirubi mani mbira ibulubadarubi bibahende í̠nime haru howa handaya ho kegola ibaga. Ãyu ngaru bibahendebi mani bulubadaru bibahendebi í̠nime manda biai ho kegoni. Heneneore í̠na ogoale ibulebira lo manda bu harigo damene bibahende ibai haya. 6 Mbirale mbira i̱na bule manda bidego abaleore aube tobane tagira ibaga. ÃÌ na bule ngeru bibahende bambaore howa manda bu halu mbirale uruni bule ngego í̠ni minime mo tale bialu manda baya hangu biaga ke. 7 Ngode Datagaliwabe-o Asiria ti ami agali dewaore daga labe nahe kagoni de handa. Tigua tinaga ami agali damene dewaorebi ami agali nogo hosini biruwa wai biaga dewabi kago mitangi bialu ti agali daga labe nahedagola turu halu mine haga ka. Tinaga danda timubi humbi yandarerubi pume ege to̱le̱ baga yidarubi uruni damenenaga hongo manda bialu ti mine haga ka. Anigo tigua í̠ manda nabiore ka. ÃÌ ni degeme wai emene timbuni birago mo palia habehe kegoni. Anduane Homogo í̠niore ke. 8 ÃÌ naga hongo gibiore ngegome tinaga hongo bo podabe. Tigua dindi í̠ninaga loma biahe wiabagi hene biago mo ko halu mo dodohe ngelole ai í̠naga tandaga holeneme uruni balu bo bibaore habe. Tigua í̠naga andabi í̠naga lomabu delaga dabu kagobi bo gialo wahai hole ibu kagoni ndobe. 9 Tinaga mine hagane mana ngago de handalu í̠naga tandaga holeneme ti balu bo biba habe. I̱ mini nahe bame wali dege bedogome i̱na hameledogo ale buliya í̠na i̱ hongo ngibe. 10 I̱naga bi dege larogome agali biabe biahaga karubi tinaga anduane karubi bole pelo í̠na biamogo bibe. Tinaga mine hagane mana ngago walinaga giha howa wiamaro bilabe. 11 ÃÌ naga hongo ami agali dewanaga hongoni howa ndo ibaga. ÃÌ  wali agali tini mo dindiha ho haga karunaga Ngode Datagaliwabeore howa i̱na mbirali daga nalene mini nawi karu biamogo biaga ke. ÃÌ na mbirali hongo nahe karu handaya ho halu darabi yagibanoore kagoha ti baba mandagi kaware haga ke. Ani bialu maru homolene kaware ngagoria karia í̠na haru dai biaga ke. 12 I̱ mamali Simeononaga Ngode Datagaliwabe-o i̱naga bi áyu ogoni hale ha. Isaraelenaga ngaru bibahende aba kegoni. ÃÌ ni dahuliya andaga dindilanaga timbuni daligaore kegoni. ÃÌ  iba pedaru wabiaga howa uruni abaore kegoni. Mbirale bibahende í̠nime wabirirunaga kini í̠niore kegoni. I̱na bi larogo abale hale habe. 13 Bi ohowa i̱na loleberogome waitigi agali karu bo wahelo mo bia helabe. Irane tigua manda bialu bi lo kago í̠naga habo nalolene bi ina baba lo wirigo mo habo lelolebi í̠naga anda kago bo gialo wahai holebi Hari Saiono nene ngago mo ko halu mo ngubia holebi í̠ waneiginirunaga dindi ngago mo ko hai holebi manda bialu ibu ka. 14 Ainde í̠naga wali agali bu karumebi wali agali maru bu karumebi í̠ni tinaga Ngode Datagaliwabeore heneda lo manda biai helo ani bibe. ÃÌ  Ngode Datagaliwabe Bibahendenaga Hongo Haiheore howa kegoni. Ani howa Isaraele wali agali handaya ho haga í̠ni hanguore kegoni, lalu Yudidi ibugua Ngode Datagaliwabehondo bi lene.