भजन-संहिता 124

1 कहूं यहोवा ह हमर कोति नइं होतिस— त इसरायल ह कहय— 2 कहूं यहोवा ह हमर कोति नइं होतिस जब मनखेमन हमर ऊपर हमला करिन, 3 त ओमन हमन ला जीयत लील ले रहितिन जब ओमन के गुस्सा हमर ऊपर भड़किस; 4 बाढ़ के पानी म हमन बुड़ गे रहितेंन, पानी के बहाव म हमन बह गे रहितेंन, 5 भयंकर पानी के धारा ह हमन ला बहाके ले गे रहितिस। 6 यहोवा के परसंसा होवय, जऊन ह हमन ला ओमन के दांत के दुवारा फाड़े जाय ले बचाय हवय। 7 हमन चिड़ीमार के जाल ले बचे एक चिरई के सहीं अन; जाल ह फट गे हवय, अऊ हमन बच गे हवन। 8 हमर मदद यहोवा के नांव म होथे, जऊन ह अकास अऊ धरती ला बनाय हवय।