2 कुरिन्थियो 4

¹ एकोलाने परमेस्वर कि दया न हम ख यू सेवा काम दियो हैं, एकोलाने हम कभी भी हार नी मानो हैं।

² पर हम नी लज्जा बस ख छिपाव काम हुन ख छोड़ दियो, अऊर नी हुसयार से चलह, अऊर न परमेस्वर को वचन म गड़बड़ी करिये हैं; पर सच्चो ख प्ररगट कर ख, परमेस्वर को सामने हर एक लोग को समझ म अपनी भलाई बैठ हैं।

³ परन्तु अगर हमारो अच्छो सुसमाचार पर परदा पड़ हैं, ते यू नास होन वाला ही का लाने पड़ो हैं।

⁴ अऊर आज दुनिया का देवता अविस्वासी हुन ख मन इत्तो अन्धोकार कर दियो हैं कि वी, परमेस्वर को जसो रूप म याने मसी को तेजोमय अच्छो समाचार कि उजाला ख देखन म असमर्थ हैं।

⁵ काहे कि हम अपनो ख नी, पर प्रभु यीसु को मसी प्रचार करिये हैं। कि हम यीसु कारन अपनो ख तुम अदमी हुन का नउकर आय समझो हैं।

⁶ एकोलाने कि परमेस्वर ही आय, जे न बोल्यो कि, “अन्धेरा म से उजालो चमके,” अऊर उही हमारो मन हुन म चमको कि परमेस्वर कि बड़ाई करी कि उजालो यीसु मसी को मुँह से चमकिलो होए।

⁷ परन्तु हमारो नजीक उ धन मिठ्टी की ठाटी हुन म रखो हैं कि यू सबसे जादा सक्ति हमारी ओर से नी हैं, अऊर परमेस्वर ही कि ओर से रहे हे।

⁸ हम चारो ओर से दुख ही ते भोग हैं, अऊर परेसानी म नी पड़े हैं; हमारो नजीक ऐको कोई उपाय नी हैं, पर उदास नी होय हैं;

⁹ सतावा ते जाय हैं, पर छोड़ो नी जाय; गिड़ायो ते जाय हैं, पर नास नी होय हैं।

¹⁰ हम यीसु ख मर ख अपनो सरीर म हर बखत लाने फिरा हैं कि यीसु को जिन्दगी भी हमारो सरीर म प्ररगट होए।

¹¹ काहेकि हम जीते जी हमेसा यीसु को कारन माऊत को सामना करनो पड़ हैं, जेसे यीसु ख जिन्दगी भी हमारो मरनहार सरीर म प्ररगट हो जाये हैं।

¹² यू प्रकार माऊत ते हम पर जोर डाल हैं अर जिन्दगी तो पर अर तुम म काम करा हैं।

¹³ एकोलाने कि हम म वही विस्वास कि आत्मा आय, जे का बारा मी लिखो हैं, “मी न विस्वास किरियो, एकोलाने बोल्यो गयो हैं।” पर हम भी विस्वास करिये हैं, एकोलाने बोल हैं।

¹⁴ काहेकि हम जान हैं कि जे न प्रभु यीसु ख जीवित करियो हैं, उही हम ख भी यीसु म भागी जान ख जिला हे, अऊर तुमारो संग अपनो सामने खड़ो करे।

¹⁵ काहेकि सब चीज हुन तुमारो लाने हैं, काहेकि दया बेजा हुन ख दुवारा जादा होय ख परमेस्वर कि बड़ाई ख लाने धन्यवाद भी बढ़ाए।

¹⁶ एकोलाने हम हिम्मत नी‌ छोड़ हैं; असा की हमारो बाहरी मनुस्यत्व नास हो जाय हैं, तेबी भी हमारी भीतरी वाला मनुस्यत्व हर दिन नयो होवा हैं।

¹⁷ काहेकि हमारो पल भर को हल्को सो दुख हमारा लाने बेजा ही खास हैं अऊर अनन्त बड़ाई उत्पन्न करिये जाय हैं;

¹⁸ अऊर हम ते देखी हुई चीज हुन ख नी पर अनदेखी चीज हुन ख देख ख रवह हैं; काहेकि देखी हुई चीज हुन थोड़ा ही दिन की रवह हैं, पर अनदेखी चीज हुन आखरी तक बनी रवह हैं।