Nɨawari 95

1 Xekenakɨni, Yawé tepɨtanɨawa teyutemamawietɨ, kwi tepehɨaweni ‘ai tatsiwikweitsitɨwame. 2 Hɨxiena tepɨye’axeni pamɨpariyutsi te’ipitɨatɨ, kwi tepehɨaweni kwikarikɨ. 3 Yawé Kakaɨyari mɨmariwe mɨhɨkɨkɨ, Ti’aitame mɨmariwe kakaɨyarixi wahetsiemieme. 4 Mamayatsie pɨti’ane kwieta meukatewa, pɨtipiinieya hɨrite ‘amanutitɨtɨ. 5 Haramara pɨtipiinieya, mitawewikɨ, yumamakɨ kwie putawewi. 6 Xekenakɨni, hɨxiena tepakatutsitaxɨani, tepɨtitunuma’uni Yawé hɨxie mɨtatsi’utawewi. 7 Mɨkɨ takakaɨyari mɨhɨkɨkɨ, tameta teɨterimama, muxatsimama tekanihɨkɨtɨni mɨtatsihɨ yukuraruta. Xɨka xeme hikɨ niukieya xe’u’enieni, 8 yu’iyari xepɨkatseiriyani, Meriwa mɨrakutewatsie kememuyɨ ‘iya tukaritsie hepaɨ, makumawetsie Matsaha xemu’uwakaitsie, 9 kepauka xepaapama memɨnetsi’uta’inɨataxɨ, menetsikwamanakutɨ, wahɨxie yanetiyurienekakutɨtɨ. 10 Huta tewiyari wiyari nepɨha’akai mɨkɨ nuiwari hetsiemieme, mɨpaɨ nekaniutayɨni: «Mɨkɨ teɨteri xeime pɨta huye mepuweiya, nehuye mepɨkamate». 11 Hikɨ neha’atɨ, mɨpaɨ neputayɨ: «Hatsuaku nehetsɨa mepɨkaye’axɨani hakewa nemɨwareka’uxipitɨanikekaitsie».