Nɨawari 93

1 Yawé katini’aitani, witsi’aneme ‘anakatɨtɨ, Yawé mariwemekɨ pɨyutikemaritɨa yɨtɨrɨkariya panakatɨ. ‘Aixɨa ‘aneme kwie putawewi, hatsuaku pɨkakuyuitɨarieni. 2 Matɨari paitɨ ‘uwenieya puyukake, meta ’ekɨ matɨari paitɨ yuheyemekɨ pepuyeika. 3 Yawé, kepauka waɨkawa haa muwayeneikatɨka waɨkawa ‘utatɨrarɨkatɨ, kaniuyuaneni hamewarieya. 4 Peru Yawé, muyuawitsie pɨmariwe: waɨkawa tɨrɨkaɨyetɨ haa kemuyuane reuyeta, meta haramara hamewarieya kemɨkatitɨrɨkaɨye. 5 Yawé, ‘aitsikaya hetsie temɨtewiyani ‘aixɨa pɨ’ane, kiiya mɨpatsiekɨ ‘aixɨa pɨ’itɨarie yuheyemekɨ.