Nɨawari 82

1 Kakaɨyari puwa’ɨxatsitɨa muyuawitsie mieme tikuxatatɨ, pɨwaxaneta kakaɨyarixi wahixɨapa ‘uwetɨ kemɨtiwaranutaxɨrienikɨ: 2 «¿Kepaukari tamɨ xepɨtehayewa ‘axaxeteyurietɨ, kepauka ‘aixɨa xepɨtiyuani Kakaɨyari memɨka’ayexeiya wahetsiemieme? 3 Nutui hetsie xekenenuaka kemɨranuyemie, meta kemɨ’ane yuhetsie mɨtanuanikɨ mɨkayɨwe, tixaɨtɨ mɨkarexeiya meta mɨti’uximayatsitɨarie wahetsiemieme ‘aixɨa xeketeneyurieka. 4 Mɨkayɨhɨawe meta hawerimɨ’ane xekenewawikweitsitɨaka, Kakaɨyari memɨka’ayexeiya metewa’aitɨakaku xekeniwarɨxɨna. 5 »Mɨkɨ ‘atsimepɨkatemate, mɨkɨ mepɨkaheti’enatɨkɨka. Yɨwipa mepu’uwa, mɨkɨ putayuane kwie tsutɨa naitɨ. 6 »Ne mɨpaɨ nepɨtixekɨhɨawe: “Xeme xepɨmamariwawe, yunaitɨ xeme ‘Amutewi xepɨniwemama”. 7 Peru xekanikwikuni tewi mɨmɨwe hepaɨ, xekanatixɨrikuni hipatɨ te’aitamete wahepaɨ». 8 Kenanukukexi, Kakaɨyari ‘aku, kwiepa tita mɨtiheitserie yaketineuyuri, nuiwarite yunaitɨ memɨte’apiinimakɨ.