Nɨawari 70

1 Kakaɨyari ‘aku, xeiya keneneutawikweitsitɨa, Yawé, xeiya keneyumexɨitɨatɨ keneneuparewi. 2 Kemɨ’ane memɨnetsimieku mekeheuyuyexɨrieni meha’iwarieme. Mekeyutewiyatsitɨani mekete’uhayewa ‘atsimekateyurieme, yunaitɨ kemɨ’ane memɨnetsika’unaku. 3 Yu’utɨma mekehekɨne, meyutetewiyatɨ, yunaitɨ kemɨ’ane haweri memɨnetsiyurie. 4 Matsi kemɨ’ane memɨmetsikuwautɨwe ‘ahetsie mekeyutemawieka, yemekɨ, kemɨ’ane ‘awikweitsitɨarika memɨnaki’erie mɨpaɨ meke’utiyuaneni: «Kakaɨyari kanimariweni». 5 Ne tixaɨtɨ nepɨkarexeiya yemekɨ nepɨreuyehɨwa, Kakaɨyari ‘aku, xeiya kenaye’a. ‘Ekɨ netsiparewiwame pepɨhɨkɨ, netsixɨname, Yawé, ‘apepɨkareutewini.