Nɨawari 54

1 Kakaɨyari, keneneutawikweitsitɨa pemɨtɨrɨkaɨyekɨ, nehetsie keneutanua ’ekɨ pemɨyɨwekɨ. 2 Kakaɨyari, nenenewieri keneu’eni, kenemutaine keneneu’eni. 3 Neuxei, teɨteri nemɨkawamate mekanenimietɨweni, mekanenimiekuni mɨkɨ memɨteyukananaima, mɨkɨ teɨteri ’ekɨ Kakaɨyari mepɨkametsinaki’eriku. 4 Peru Kakaɨyari netsiparewiwame kanihɨkɨtɨni, ti’aitame mɨnetsi’ayeyuritɨa kanihɨkɨtɨni, 5 mɨkɨ ‘axamɨti’ane memɨnetsi’aye’unie wahetsie pɨta katininakimɨkɨ. Yawé, ke’aixɨa pemɨtikamiekɨ keniwaruka’una. 6 Kenemɨtiyuwaɨriya mawari nepɨmetsiwewirieni, meta nepɨmetsitanɨawa, Yawé ke’aixɨa pemɨtiuka’iyari, 7 ’ekɨtsɨ pekaneniuxɨna naimekɨ kenemɨti’uximatɨariekai, ne nekaniuniere memɨnetsi’aye’unie kememɨte’a’iwarie.