Nɨawari 52

1 ¿Titayari ‘axamɨti’anetsie pereu’ayetuika, tewi pemɨtɨrɨkaɨye? Kakaɨyari naki’eriyaya yuheyemekɨ yakatineuyuhaneni. 2 ‘Aneni, nawaxa mataxikauni hepaɨ pɨ’ane, pɨtiyuka’unamɨkɨ meta ‘itarika pɨwewie. 3 ‘Aixɨa mɨti’ane pepɨkatinaki’erie, matsi ‘axamɨti’ane waɨkawa pepɨnaki’erie, tita yuri mɨraine pepɨkanaki’erie, matsi ‘itarika pepɨnaki’erie. 4 Kwinimieme ti’itawame neni pepexeiya, Kwinimieme pɨmetinake ‘aniukikɨ hipame pemɨwaratixɨrɨwanikɨ. 5 Peru neuxei Kakaɨyari pɨmetsika’una yuheyemekɨ, ‘akiita pɨmetsiwayehɨani, ’ena kwiepa pɨmetsi’akumaweriya hipatɨ memanu’uwatsie. 6 Heitserie memexeiya mɨkɨ mepɨtexeiya, ‘ana mepɨtimamani, ‘ana mɨpaɨ mepɨtiyuani me’inanaimatɨ: 7 «‘Ena tewi xekanixeiyani Kakaɨyari hetsɨa mɨkaye’a mɨkɨ hetsiena mɨtanuanikɨ, matsi pɨta yupiinitɨarikatsie mɨtiwiyakai, ‘axatiyurienetɨ ‘amuyeikakai». 8 Peru neuxei ne huriwa mɨtsiɨraɨye hepaɨ nekani’aneni, Kakaɨyari kie muxutu, Kakaɨyari naki’eriyayatsie nekatiniwiyani yuheyemekɨ yareuyuhanemekɨ. 9 Naime tukaritsie ne nekameninɨawakamɨkɨ ‘a’uximayatsikakɨ, ne ‘ahetsie nepɨtiwiyani ‘ahetsie memɨtewiya wahɨxie, ’ekɨtsɨ ‘aixɨa pekatiniuka’iyarini.