Nɨawari 47

1 Yunaitɨ teɨteri xeketeneutapineni, Kakaɨyari xekeneutahiwiwani temawierikakɨ. 2 Yemekɨ pɨtɨrɨkaɨye Yawé ‘Amutewi, pɨmariwe ti’aitame ’ena kwiepa naitsarie. 3 Pɨtatsi’uhɨritɨa nuiwarite temɨwakuyuitɨanikɨ, yunaime teɨteri pɨtatsi’uxatɨa, 4 ‘imikieri tahetsiemieme pɨranayexei Kakuwu muyuta’ɨrixɨ kɨmana pɨhɨkɨ, kemɨ’ane waɨkawa mɨnaki’eriekai. 5 Kakaɨyari Yawé yu’uwenitsie kanayerɨni, temawierika hiwariyaritsata meta kuxineta yuariyaya. 6 Kakaɨyari xekenenɨawani, xekenekwikani hetsiena mieme, xekeneutikwikani nɨawari tati’aitɨwame hetsiemieme. 7 Kakaɨyari kanihɨkɨtɨni ti’aitame ’ena kwiepa naitsarie, ‘ayumieme, nɨawari xekeneutikwikani mariwemekɨ. 8 Kakaɨyari katini’aitani, naime nuiwarite kwiepa memɨtama wahetsiemieme, yu’uweni mɨpatsietsie ‘akaitɨ. 9 Teɨteri wa’ukiyarima mekaniyukuxexeɨriwani, ‘Apɨrahami Kakaɨyarieya teɨterimama wahetsɨa me’itahɨaweke, 10 mɨkɨtsɨ Kakaɨyari katinipiinieyatɨni naitsarie kiekari mukumane kwiepa. Mɨkɨ mariwemekɨ ‘aixɨa katinikuxaxatsiwamɨkɨ.