Nɨawari 20

1 Yawé, kemetsi’uta’eiya kepauka pemɨ’a’uximatɨa, Kakuwu Kakaɨyarieya kemetsi’ɨwiyani. 2 Kemetsi’uparewieni yutukita ‘ayekaitɨ, Tsiyunitsie paitɨtɨ kemetsi’uparewieni. 3 ‘Amawarika naime keha’eriwani, mawari taiyariyari kemetsinaki’eririeka. 4 ‘A’iyarikɨ tita pemɨreuyehɨwa kemetiyetuirieni, kepemɨtiku’eriwa kepemɨtiyurimɨkɨ yaketiuyɨni. 5 Tame tepuyutemamawieka kepauka pemɨrayu’iwa, takakaɨyari hetsiemieme tapatera teikɨ tenetseraxɨakuni. Yawé naime kemetiyetuirieni tita pemɨrewawiriwa. 6 Hikɨ mɨpaɨ nepɨtimate Yawé ti’aitame menayexei pɨtawikweitsitɨani, pita’eiya muyuawi mɨpatsietsie paitɨ yutɨrɨkariyakɨ memamariwaweme pɨwara’iwa. 7 Mɨkɨ yukaxetate kuyaxa miemetsie mekaneuwawaɨreni, ‘iyata yukawayutsixi ‘amemɨpapa wahetsie mekaneuwawaɨreni, peru tameta takakaɨyari Yawé hetsie tekaneuwawaɨreni. 8 Mɨkɨ mekana’iwarɨwani meta mekanatixɨrɨweni, peru tame tepanuku’uwe, ‘atepɨti’u. 9 Yawé, keneupitɨa ti’aitame mɨrayu’iwakɨ. Kepauka temetsitahɨawe ketaneku’eiyani.