Nɨawari 15

1 Yawé, ¿kemɨ’ane ‘atukita payeyerɨwe? ¿Kemɨ’ane ‘ahɨri mɨpatsietsie puyutakiitɨawe? 2 Hetsiena mɨkarahɨiwa xeikɨa kaniyɨweni, ‘aixɨa mɨtiyuriene yu’iyarikɨ yurikɨ mɨtikuxata, 3 yuniukikɨ hipame mɨkawarekaxɨrɨwa, yu’aurie kiekame ‘axamɨkatikuxaxatɨwa, yuhepaɨtewi ‘axamɨkayurie, 4 kemɨ’ane Kakaɨyari muwa’uxie mɨkawanaki’erie, peru mɨwanaki’erie Yawé memayemakaxe, mɨraye’atɨwa kemɨtayɨni tsepa tiuka’eniwatɨ, 5 kemɨ’ane tumini mɨtiyuniniɨtɨwa mɨrana’iwakɨ kayɨanetɨ, kemɨ’ane mɨka’inake tumini mɨtanaki’erienikɨ ‘aixɨa mɨtiuka’iyari mɨnanaimanikɨ. Kemɨ’ane ‘ipaɨ mɨtiuyeika yuheyemekɨ ‘apuweni kawatayuitɨariwatɨ.