Nɨawari 149

1 Yawé kenɨawarieka. Kwikari hekwame xekenekwikani Yawé hetsiemieme, teɨterimama hetsiena memɨtewiya wahamatɨa xekenenɨawani. 2 ‘Ixaheritsixi mekeyutemamawieka mɨwarutawewi hetsiemieme, Kerutsaremetari xekeneyutemamawieka xeti’aitɨwame hetsiemieme. 3 Meke’inɨawani mete’ukaketsinatɨ, kwikari meke’utikwikani xawerimakame meta tepu ’etsimupekɨ. 4 Yawé muyutemawiekɨ yuteɨterima wahetsiemieme, tixaɨtɨ memɨkatehayuyeitɨa memɨtehayu’iwanikɨ puwapitɨa. 5 Hetsiena xemɨtewiya xekeneyutemamawieka mɨkɨ xepitɨakaku xemɨtehayu’iwaxɨkɨ, tsepa yu’utatsie xemuhe xekeneutihiwani xeyutemamawietɨ. 6 Kakaɨyari nɨawarieya ‘ateta kehayeneikani, ‘ixipara pekehakweka naitsata hautixikakaunime, 7 para yunaitɨ nuiwarite memɨtehakapitɨarienikɨ ke’axamemɨteyuriekɨ meta kiekarite mɨtiwaka’enitsitɨanikɨ, 8 para te’aitamete memɨtihɨiyanikɨ, tepɨa kaunariyari mɨtse’ikɨ hayehutamekɨ, 9 para maye’atɨarienikɨ wahetsie kemɨraka’utsie kememɨte’anuyekɨnekɨ. ‘Ikɨkɨ mɨpaɨ mepɨteyutemamawieka teɨterimama. Yawé kenɨawarieka.