Nɨawari 121

1 Hɨrite ‘amutɨtɨ kwi nepautixeiya, nepɨneku’iwawiya: ¿Keraneni netsiparewiwame? 2 Netsiparewiwame Yawé kanihɨkɨtɨni, kwie meta muyuawi mɨtiutiwewi. 3 Pɨkametsipitɨani pemekawautsenikɨ, kemɨ’ane mɨmetsi’ɨwiya pɨkakutsu. 4 Hatsuaku pɨkaheukukutsu nipɨkaheukuni, kemɨ’ane ‘ixaheritsixi muwa’ɨwiya. 5 Yawé kanihɨkɨtɨni mɨmetsi’ɨwiya, Yawé kameni’etɨriwiyani ‘ahetsie kaninuaka. 6 Tukarikɨ tau pɨkametikwinitɨani, meta yaxeikɨa metsa yɨwikɨta. 7 Yawé ‘ahetsie kaninuakamɨkɨ, ‘atukari kani’ɨwiyakamɨkɨ naime ‘axamɨti’ane hepaɨtsita. 8 Yawé ‘akie pɨmetsi’ɨwiyani meta ‘ahuyeta, hikɨtɨtɨ meta yuheyemekɨ.