Nɨawari 11

1 Yawé hetsie nepɨne’awieta. ¿Titayari mɨpaɨ xenetehahɨawe: «Keneuyuta’una ‘ɨtsita, wikixi wahepaɨ»? 2 Xekeniwaruxeiya kehepaɨ yutupi memɨtehawɨwɨtɨwa ‘axateyuruwamete: yutupi kaunariyaritsie mekanika’uitɨwani ‘ɨrɨ, ‘aixɨa memɨte’u’iyari mewatamɨnike ‘awie paitɨ metitetɨ. 3 Xɨka tsutɨmeyari ‘uka’unarieni, ¿tewi ‘aixɨa mɨtiuka’iyari ketiuyuriwe? 4 Yawé yutuki muyepatsieta kanayekani, muyuawitsie Yawé yu’uweni kanexeiyani, kayuwatɨ xeikɨa tewi kwikanitaxeiyani, kanixeiyani kemɨtiyuriene. 5 Yawé kaniwaxeiyani kememɨteyurie ‘aixɨa memɨte’u’iyari meta ‘axateyuruwamete, kaniwa’uxiwe’erieka kemɨ’ane memɨteyukananaima. 6 ‘Axamemɨte’u’iyari wahetsie tɨɨ wiyeriyari kananɨ’amɨkɨ meta tai kanikawiwimɨkɨ, ’eka kwinimieme tixɨkatɨ kaniku’ekamɨkɨ, mɨkɨ wa’iwarika kanayeimɨkɨ. 7 ‘Aixɨa katiniuka’iyarini Yawé, ‘aixɨa mɨti’ane katininaki’erieka, ‘ayumieme heitserie memexeiya mepixeiya kemɨraka’erie.