Nɨawari 101

1 Naki’eriya nepɨtakwika meta tita mɨtiheitserie: Yawé, nɨawari ‘ahetsiemieme nepɨtikwika. 2 ‘Aixɨa netiyurienetɨ nepumienikeyu huye ‘aixɨa mɨ’ane ‘utɨma: ¿Kepauka pepɨnetsiha’iwatamie? Nekie ‘anepukanikeyu ‘aixɨa netinekɨhɨawetɨ ne’iyaritsie. 3 Ne nepɨkayuta’iyaritɨani yanemɨtiyurienikɨ tixaɨtɨ ‘axamɨti’ane hepaɨtsita mieme. Teɨteri kemɨtiheitserie yamemɨkateyurie nepɨwaxani’erie, naime nepɨtixani’erie kememɨteyurie. 4 Nehetsie naime nekatinehɨamɨkɨ ‘axamɨti’ane, nehetsie munuani ‘axamɨti’ane pɨkayɨweni. 5 Kemɨ’ane ‘awie yu’iwa hepaɨtsita ‘axamɨtayɨni, yuheyemekɨ ne kayuwatɨ nepipitɨani, kemɨ’ane mariweme mayuyeitɨwa meta timaiweme nepɨkayɨwe nemɨtinewiriekakɨ. 6 Kwi nepɨwaxeiyani ‘iya kwiepa memɨtama ‘aixɨa memɨte’u’uwa, nehamatɨa memu’uwanikɨ, nehetsiemieme xeikɨa mepɨte’uximayaka, kemɨ’ane wahetsie mɨkarahɨiwa. 7 Xewitɨ tɨma nekiita pɨka’ayekani, kemɨ’ane meteyukananaimatɨ ‘amemu’uwa, meta pɨkayɨweni nehɨxie muyeikani xewitɨ ‘itarikakɨ tikuxatatɨ. 8 Xeitukari manukayeikani nepɨkawapitɨaka ‘amemu’uwani yunaime Kakaɨyari memɨka’ayexeiya kwiepa memɨtama, Yawé kiekarieyatsie nepɨwarayeweiya yunaime ‘axateyuruwamete.