Kuwi 25

1 Mɨkɨ hepaɨtsita Wirirari Tsuha kiekame mɨpaɨ kaniutayɨni: 2 «Kakaɨyari kanitɨrɨkaɨyeni kanimakaxiwani, mɨkɨ yakatini’aitani muyuawi meutitewatsie. 3 ¿Kamɨtsɨ kuyaximama meteyu’inɨatsinɨa? ¿Kemɨ’ane hetsie hekɨariyaya pɨkaye’axe? 4 ¿Ketiyɨwe tewi kename ‘atsikatiyuruwame mɨtayɨnikɨ Kakaɨyari hɨxie? ¿Tewi ketiyɨwe ‘aixɨa ‘aneme mayuyeitɨani ‘ukaratsi hetsie yenuiwame? 5 Metsatɨtɨ Kakaɨyari hɨxie yuhekɨariya pɨkahexeiya, meta xurawetsixi mepɨka’itiyatɨka, 6 matsi tewi tita tihɨkɨ, kwitsi kanihɨkɨtɨni, matsi tewi tixaɨtɨ pɨkatihɨkɨ, hareku mɨkatiyunaki’erie kanihɨkɨtɨni».