Zabura 67

¹ Bari Allah yă yi mana alheri yă kuma albarkace mu yă kuma sa fuskarsa ta haskaka a kanmu, Sela

² don a san hanyoyinka a duniya, cetonka kuma a cikin dukan al’ummai.

³ Bari mutane su yabe ka, ya Allah; bari dukan mutane su yabe ka.

⁴ Bari al’ummai su yi murna su kuma rera don farin ciki, gama kana mulkin mutanenka da adalci kana kuma bi da al’umman duniya. Sela

⁵ Bari mutane su yabe ka, ya Allah; bari dukan mutane su yabe.

⁶ Sa’an nan ƙasa za tă ba da girbinta Allah kuma, Allahnmu, zai albarkace mu.

⁷ Allah yă sa mana albarka, dukan iyakar duniya kuma su ji tsoronsa.