Salmos 99

1 Senhor ma huvixave oĩ. Yvy regua kuery toryryipa. Ha’e oguapy oiny anjo ipepo va’e kuery áryve. Yvy tomyĩmba. 2 Senhor ma yvate ete Sião tetã py, yvy regua kuery ha’e javi áryve oĩ. 3 Ha’e kuery togueroporaei hery yvate ete va’e okyjepy, iky’a e’ỹ va’e ramo. 4 Ndee ma huvixave ipo’akapa va’e reiko, teko porã reayvu va’e. Peteĩ rami joguerekoa remoĩ. Jacó kuery mbyte rejoguereko anhetẽ ete rupi, ha’evea rami meme. 5 Pemboete ke Senhor Nhanderuete! Ipyrõa renonde peĩ penerenapy’ã re, iky’a e’ỹ va’e ramo. 6 Moisés ha’e Arão ma ixupegua sacerdote ikuai raka’e, Samuel voi hery rupi ojapukai va’ekue regua. Senhor pe ha’e kuery ojapukai ramo ombovai. 7 Arai oĩ va’e gui ijayvu raka’e ha’e kuery pe. Ha’e ramo ha’e kuery onhe’ẽ rendu, lei hekorã oeja va’ekue rupi ikuai raka’e. 8 Senhor Oreruete, ndee ma rembovai va’ekue ha’e kuery ojapukai rã. Ha’e kuery pe rexa uka Oreruete joperdoa va’e reikoa, ojejavyague remboekovia va’e guive. 9 Peroporaei Senhor Nhanderuete. Ixupegua yvyty iky’a e’ỹ va’e renonde peĩ penerenapy’ã re, Senhor Nhanderuete iky’a e’ỹ va’e ramo. Templo py oporaeia aguã regua Mboraei oguerovy’aa aguã regua.