Salmos 67

1 Nhanderuete topena porã nhandere, tanhanemoingo porã, ha’e jaikoa rupi tomboguejy ngova rexakã, 2 yvy re ikuai va’e oikuaa aguã ndereko, yvy regua ha’e javi ikuaia rupi oikuaa aguã rejogueraa jepea. 3 Oreruete, yvy regua kuery tandereroporaei, tandereroporaei ha’e kuery ha’e javi. 4 Amboae regua kuery voi tandererovy’a, tandereroporaei. Mba’eta yvy regua re reikuaa pota ‘rã anhetẽ rupi, yvy re ikuai va’e rerekopa. 5 Oreruete, yvy regua kuery tandereroporaei, tandereroporaei ha’e kuery ha’e javi. 6 Nhanderuete nhanemoingo porã ramo yvy re oiko ma mba’emo’a. 7 Oreruete, oremoingo porã ke, ha’e ramo yvy apy guive ojererokyjea rupi ikuai ‘rã nerenonde. Nhanderuete ngovaigua kuery re ipo’akaa re ijayvua Jogueroporaei va’e pe mboraeirã Davi ombopara va’ekue.