Salmos 128

1 Ovy’a ete ‘rã Senhor renonde ojererokyjea rupi ikuai va’e, ixuguigua tape rupi ikuai vy. 2 Remba’eapoa rupi rejou ‘rã re’u va’erã. Revy’a ete ‘rã, ha’e opa mba’e oiko porã ‘rã ndevy. 3 Ndero py ma ndera’yxy uva hi’a reta va’e rami ‘rã oiko, ha’e ndera’y kuery ma oliveira rembypy pyau’i rami meme ‘rã ikuai mesa yvýry oguapya py. 4 Ha’e rami Senhor renonde ojererokyjea rupi ikuai va’e ma omoingo porã ‘rã. 5 Senhor tanemoingo porã Sião tetã gui, reikove reve rexa aguã Jerusalém tetã py omoingo porã rã. 6 Rexa ‘rã neramymino kuery. Israel kuery re toĩ ikuai porã aguã. Ogueraa jepeague re ima’endu’aa Oguataa rupi ikuai va’e oporaei aguã.