Salmos 122

1 Xevy pe “Jaje’oi ke Senhor pegua oo py” ’ea rã aendu vy avy’a ete. 2 Ndee Jerusalém tetã, orepy ovaẽ ma nerokẽ py. 3 Jerusalém ma tetã peteĩ henda’i py ojapo pyre. 4 Ha’e katy oje’oi ‘rã Senhor pegua kuery ha’e javi regua, Senhor rery oguerovy’a aguã Israel kuery oje’oi aguã va’e. 5 Ha’e py ma ikuai ha’evea rami oikuaa pota va’e renda, Davi ramymino kuery openaaty ikuai. 6 Pejerure ke Jerusalém oĩ porã aguã. Ndererovy’a va’e kuery ta’ikuai porã avi. 7 Ndekora mbyte ikuai va’e ta’ikuai porã, huvixave ro pygua kuery voi topytu’u porã. 8 Xeryvy kuery, xeirũ kuery re ama’ẽ vy Jerusalém tetã re ajerure: “Toĩ ha’e py ikuai porã aguã”, ha’e. 9 Senhor Nhanderuete pegua oo re ama’ẽ vy anhea’ã ‘rã aikovy oĩ porã aguã. Nhanderuete oipytyvõ aguã ojerureague Oguataa rupi ikuai va’e oporaei aguã.