ZEGAR HAW 126

1 Tupàn Tuweharupi Wiko Ma’e zanemuzewyr kar zanereruwà Zeruzarez pe a’e. A’e ‘ar mehe uzeapo ma’e kwer nuzawy kwaw zanepuahu haw zanewe. 2 Zapuka tetea’u zanezegar pà zanerurywete haw rupi. Na’e amogwer ywy rehe har uze’eg nezewe wà. — Tupàn Tuweharupi Wiko Ma’e uzapo uhua’u ma’e a’e teko wanupe a’e, i’i wà. 3 Azeharomoete, Tupàn Tuweharupi Wiko Ma’e uzapo uhua’u ma’e zanewe a’e. A’e rupi zanerurywete zane. 4 Àmàn neremimugyr kar uwyryk yrykawhu uxinig ma’e rupi a’e. Nezewegatete o Tuweharupi Wiko Ma’e, uremuigo kar pe temi’u hereko har romo ma’e hereko har romo nehe. 5 Teko ma’e tym mehe uzai’o ma’e a’e wà, Hurywete putar ipo’o mehe wà nehe. 6 Ma’eà’yz itym pyràm heraha har uzai’o ma’e wà, Uzewyr putar uzegar pà urywete romo wà nehe. Werur putar arozràn haryw uzywa rehe wà nehe.