ZEGAR HAW 114

1 Zako izuapyapyr a’e wà, teko Izaew her ma’e a’e wà, uhem Ezit ywy rehe kwehe mehe a’e wà. Nuiko kwaw a’e ywy rehe harete romo wà. 2 A’e wi uhem mehe Zuta izuapyapyr uzeapo teko Tupàn hemixamixak romo wà. Tupàn wiko Izaew wazar romo a’e ‘ar mehe. 3 Yryhupiràg nuzuawy kwaw miar hehaite ma’e a’e. Miar uzàn awa hexak mehe. Nezewegatete Yryhupiràg uhem oho Tupàn wi a’e no. Yrykawhu Zotàw her ma’e upytu’u uwyryk ire. 4 Ywytyruhu opoopor àràpuhàràn hawitu ma’e ài wà. Ywytyr opoopor àràpuhàràna’yr ài wà. 5 Ma’e uzeapo nemuzàn kar pà a’e, yryhu. Ne Zotàw yrykaw ne, màràzàwe tuwe ne’y upytu’u uwyryk ire. 6 O ywytyruhu wà, màràzàwe tuwe pepor àràpuhàràn ài. Ywytyr wà, màràzàwe tuwe pepor àràpuhàràna’yr ài. 7 Eryryryryz zanezar tur mehe nehe, ywy. Eryryryryz Tupàn Zako izar henataromo nehe, 8 Ta’e uzapo itahu ytyzuzàmaw romo a’e wà xe. Uzapo ita ‘yzygwar romo wà no.