कुरीन्थियो 2

1 मेने अपना मन मे यो ठानी लियो थो कि फिर तुमारा पास उदास हुइ खे नी आयु. 2 क्युकि अगर मी तुम खे उदास कर्यु, ते मेखे खुशी देनआलो कोन हुये खे फक्त उ जेखे मेने उदास कर्यो? 3 अरु मेने याही बात तुम खे येका लिये लिखी, कि कहीं असो नी हुये खे कि मरो आना पर जेने मेखे खुशी मीलन हुनु, मी उनसे उदास होयु. क्युकि मेखे तुम सब पर या बात को भरोसो हइ, कि जो मरी खुशी हइ, उ तुम सब को भी हइ. 4 बडो दुख, अरु मन, तरास से, मेने भोत सा आसू बोहे बोहेय, तुम, लिख्यो थो येका लिये नी कि तुम उदास हइ, पर येका लिये कि तुम उ बडो प्रेम जानी ले, जो मेखे तुम से हइ. 5 अरु अगर कोय ने उदास कर्यो हइ, ते मेखे ही नी क्युकी कि ओका साथ भोत कठीन नी कर्यु कुछ-कुछ तुम सब खे भी उदास कर्यो हइ. 6 असा जन का लिये यो दण्ड जो भैइहोन अरु बहीन मे से भोतजन ने दियो, भोत हइ 7 येका लिये येका से यो भलो हइ कि ओको अपराध माफ करणु. अरु शांती दे, नी हो कि असो इन्सान उदासी मे डूबी जाये. 8 यो करण मी तुम से बिंनती करुस हइ, कि अरु ओखे अपनो प्रेम को प्रमाण दे. 9 क्युकि मेने येका लिये भी लिख्यो थो, कि तुमखे समजी लियु, कि तुम सब बातहोन खे मानन का लिये तैयार हइ, कि नी. 10 जेखे तुम कुछ माफ करस हइ ओखे मी भी माफ करुस हइ, क्युकि मेने भी जो कुछ माफ कर्यो हइ, अगर कर्यो हइ, ते तुमारा करण मसीह की जगा मे हुइ, माफ कर्यो हइ. 11 कि सैतान, हम पर दाव नी चल्ये का क्युकि हम ओकी चालहोन से अनजान नी. 12 अरु जब मी मसीह को सुसमाचार खे सुनान खे त्रोआस मे आयो, अरु प्रभु ने मरा लिये एक दरवाजो खोल दियो. 13 ते मरा मन मे चैन नी मील्यो, येका लिये कि मेने अपना भैइ अरु बहीन तीतुस ने आत्मीक नी पायो. येका लिये उनसे बिदा हुइ, मी मकिदुनी खे चली गयो. 14 पर परमेश्वर को धन्यवाद हुये, जो मसीह मे सदा हम खे जय खे तिवार मे लिखे फिरस हइ, अरु अपनो ज्ञान कि बास हमारा वजेसे हर जगा फैलस हइ. 15 क्युकि हम परमेश्‍वर का पास उध्दारपानआलो, अरु खत्म होनआला खे दोइ खे लिये मसीह की सुगन्ध हइ. 16 केत्ता का लिये तो मरन का नीमीत मरना की गंध, अरु केत्ता का लिये जिवन को नीमीत्त जिवन की गंध, अरु या बातहोन का लायक कोन हइ? 17 क्युकि हम उन भोत होन का जसा नी, जो परमेश्वर को वचन मे मीलावट करस हइ. पर मन की सच्चाइ से, अरु परमेश्‍वर का तरफ से परमेश्वर को उपस्थित जानीखे मसीह मे बोलस हइ.