ታይቦ ማፃፋ 1

1 እስራኤለ አሳይ ግብፀ ቢታፈ ከይዳ ናምአን ላይን፥ ናምአን አጌናን፥ ሄ አጌና ኮይሮ ጋላሳን፥ ጎዳይ ሲና መላ ቢታን ጌሻ ዱንካንያን ሙሰኮ ሀይሳዳ ያግስ፤ 2 “ኔራነ አሮናራ እስራኤለ አሳ ኡባ ኤንታ ኮቻን ኮቻን፥ ቃስ ኤንታ ሶ አሳን አሳን ታይባድ፥ አደ አሳ ሱን ፃፍተ። 3 ላይ ላታማነ እያፐ ቦላ ግድዳ፥ ኦለታናዉ ዳንዳእያ እስራኤለ አሳ ኡባ ታይብተ። 4 ኮቻፐ ኮቻፐ እስ እስ አስ ባ ሶ አሳስ ሀላቃ ግድድ ህንተና ማዶ። 5 ህንተና ማዳና አሳ ሱንይ ሀይሳፈ ካልድ ፃፈትዳይሳ። ሮቤላፐ፥ ሻደኡራ ናኣ ኤልፁራ፤ 6 ስሞናፐ ሱርሳዳያ ናአ ሳሉምኤላ፤ 7 ይሁዳፐ አምናዳበ ናኣ ናአሶና፤ 8 ይሳኮራፐ ዙአራ ናኣ ናትናኤላ፤ 9 ዛብሎናፐ ሄሎና ናኣ ኤልኣባ፤ 10 ዮሰፋ ናይታፐ፥ ኤፍሬማፐ አምሁዳ ናኣ ኤልሻማአ፤ ምናሰፐ ፓዳዙራ ናኣ ጋማልኤላ፤ 11 ብንያመፐ ጋድዮና ናኣ አብዳና፤ 12 ዳናፐ አምሳዳያ ናኣ አክኤዘራ፤ 13 አሴራፐ ኦክራና ናኣ ፓግኤላ፤ 14 ጋዳፐ ራጉኤላ ናኣ ኤልያሳፋ፤ 15 ንፍታለመፐ ኤናና ናአ አክራ፤ 16 ሀ አሳይ ባንታ አዋታ ኬ አሳፐ ካለናዉ ዶረትዳ እስራኤለ ያራታ ሀላቃታ” ያግስ። 17 ያትን ሙሰይነ አሮን ሄ ዶረትዳ አሳታ ኤክድ፥ 18 ናምአን አጌናን ኮይሮ ጋላሳን ኩመ ማባራ ፄግድ ሺሽዶሶና። አሳይ ባንታ ኮቻን ኮቻን፥ ቃስ ባንታ ሶ አሳን አሳን ላታሙ ላይነ እያፐ ቦላ ግድዳ አደ ኡባይ ፃፈትስ። 19 ጎዳይ እያ ኪትዳይሳዳ ሙሰይ ኤንታ ሲና መላ ቢታን ታይብስ። 20 ኦለታናዉ ዳንዳእያ አደ ኡባይ፥ ላታሙ ላይነ እያፐ ቦላ ግድዳ አደ ኡባይ ታይበትድ ሁጰን ሁጰን ፃፈትዶሶና። ኤንቲ ባንታ ኮቻን ኮቻንነ ባንታ ሶ አሳን ሻከትድ ሀይሳፈ ካልድ ደእያ ታይቦ ማራን ማዝጋበትዶሶና። ባይራ ናኣ ሮቤላፐ 46,500 22 ስሞናፐ 59,300 24 ጋዳፐ 45,650 26 ይሁዳፐ 74,600 28 ይሳኮራፐ 54,400 30 ዛብሎናፐ 57,400 32 ዮሰፋ ናኣ ኤፍሬማፐ 40,500 34 ዮሰፋ ናኣ ምናሰፐ 32,200 36 ብንያመፐ 35,400 38 ዳነፐ 62,700 40 አሴራፐ 41,500 42 ንፍታለመፐ 53,400 44 ሙሰይ፥ አሮንነ ባንታ ሶ አሳፐ አሳፐ ዶረትዳ ታማነ ናምኡ እስራኤለ ኮቻ ሀላቃት ታይብዳ አሳይ ሀይሳታ። 45 ኦለታናዉ ዳንዳእያ አደ ኡባይ፥ ላታሙ ላይነ እያፐ ቦላ ግድዳ አሳይ ባንታ ሶ አሳን አሳን ታይበትዶሶና። 46 ኩመ አሳ ታይቦይ 603,550. 47 ሽን ሌወ ኮቻት ታይበትቦኮና። 48 ጋሶይካ ካሰ ጎዳይ ሙሰኮ ሀይሳዳ ያግስ፤ 49 “ሌወ ኮቻታ ታይቦፓ፤ ኤንታ አትዳ እስራኤለ አሳ ታይቦን ገልሶፋ። 50 ሌወታ፥ ጌሻ ዱንካንያንነ እያን ደእያ ሚሸታ ኡባ ቦላ ሀላቃ ኦዳ ሹማ። ኤንቲ ዱንካንያነ እያን ደእያ ሚሸታ ቶካና፤ እያ ግዶን ኦናነ እያ ዩሾን ዱንካናና። 51 ጌሻ ዱንካነይ ሾደትያ ዎደ ሌወት ሾዶ፤ ጌሻ ዱንካነይ ኤቅያ ዎደ ሌወት ኤሶ፤ ኤንታፈ ሀር ኦንካ እያኮ ሺቅኮ ሀይቆ። 52 ሀንኮ እስራኤለ አሳይ ባንታ ሄራንነ ባንታ ጩጋን ጩጋን ሻከትድ፥ ባንታ ዱንካንያ ዱንካኖና። 53 ሽን ጎዳ ሀንቆይ እስራኤለ ማባራ ቦላ ዎና መላ ሌወት ዱንካንያ ዩሹዋን ባንታ ዱንካንያ ዱንካንድ ናጎ” ያግስ። 54 እስራኤለ አሳይ ጎዳይ ሙሰ ኪትዳ ኡባ ኦዶሶና።