እዮባ ማፃፋ 13

1 ሀ ኡባ ታ አይፈይ በእስ፤ ታ ሀይይ ስእድ አኬክስ። 2 ህንተ ኤረይሳ ታካ ኤራይስ፤ ታኒ ህንተፈ ጉፅከ። 3 ሽን ታኒ ኡባ ዳንዳእያ ፆሳራ ኦደታናዉ ኮያይስ፤ ታኒ ታ መቱዋባ እያራ ሞተታናዉ አሞታይስ። 4 ሽን ህንተ ዎርዶን ካመይሳታ፤ ህንተ ኡባይካ ፓና አክመታ። 5 ህንተ ስእ ግዳባ ግድያኮ፥ ጭንጫ ግድ በንታናሽን! 6 ሀእ ታ ሞቱዋ ስእተ፤ ታ ዶናፐ ከያ ፓላማ ሀይዝተ። 7 ህንተ ፆሳ ግሾ ዎርዶ ኦደቴቲ? እያ ግሾ ግድ ጭሞን ኦደቴቲ? 8 ህንተ እያ ማድያባይ ደኢ? ዎይኮ እያዉ ፃባቃ ኤቅድ ሞተተቲ? 9 እ ህንተና ፕልግ ፄልያኮ ህንተፈ ሎኦባ ደማኔ? ህንተ አሰ ጭመይሳዳ እያ ጭማናዉ ዳንዳኤቲ? 10 ህንተ ጌማን አሳ ሶምኦ በእድ ማድኮ፥ እ ቱማ ህንተና ሴራና። 11 እያ ቦንቾይ ህንተና ዳጋንኔ? እያ ቴማይ ህንተና ያሸኔ? 12 ህንተ ኦድዳ ሌምሶይ ብድን መላ ፓናባ፤ ህንተ ሞቶይ ቢታፈ መትዳ ጎንዳለ መላ። 13 አነ ስእ ጊተ፤ ታ ኦደታና፤ ህዛፐ ሀንዳባይ ሀኖ። 14 ታኒ ታናተ አይስ መቶን የግያና? ታ ደኡዋ አይስ ታ ኩሸን ኦይክያና? 15 ፆሳይ ታና ዎኮካ ታኒ እያ ዳንዳአን ናጋና፤ ታኒ ታ መቱዋ እያ ስን ሺሻና። 16 ናጋራንቾ አስ እያ ስን ሺቃናዉ ዳንዳኦና ግሾ፤ ኦን ኤር ታ ፃላተይ አቶተስ ጋሶ ግዳናዉ ዳንዳኤስ። 17 ታ ሃሳያ አኬክድ ስእተ፤ ታ ኦዳይ ህንተ ሀይን ገሎ። 18 ሀእ ታኒ ታ መቱዋ ኤካ ሺቃስ፤ እ ታዉ ፕርዳናይሳ ኤራይስ። 19 ታና ሞታና አስ ደኢ? ደእኮ ታኒ ስእ ጋዳ ሀይቃና። 20 ፆሳዉ ነ ታዉ ሀ ናምኡባታ ኦ፤ ያትኮ ታ ነ ስንፈ ጌምከ። 21 ነ ሴራ ኩሽያ ታፐ ደን፤ ታና ዳጋንይሳ አጋ። 22 ሄሳፈ ጉየ፥ ታና ፄጋ፤ ታ ኮያና፤ ዎይኮ ታ ኦዳና፥ ነ ታዉ ዛራ። 23 ታ ባላይነ ናጋራይ አፑኔ? አነ ታ ናቁዋነ ታ ናጋራ ታና በሳ። 24 ኔኒ አይስ ነ ሶምኡዋ ታፐ ገንይ? ነ ሞርከዳ አይስ ታና ታይባይ? 25 ጫርኮይ ኤፍያ ካልያ አይስ ኡንኤይ? መልዳ ፑኑዋ አይስ የደይ? 26 ኔኒ ታ ቦላ ፃፍዳ ሞቶይ ጫሞ፤ ታ ናአተ ባላካ አጋባካ። 27 ኔኒ ታ ቶሁዋ ዱፃዳሳ፤ ታ ታንጉዋ ኡባ ዎቻሳ፤ ታ ቶሆይ የያሱዋ ካላሳ። 28 ሄሳ ግሾ፥ ታኒ ዎቅዳ ምዳ፤ ብል ምዳ አፍላዳ ዉራይስ።