1 ተሰሎንቀ ኪታ 1

1 ጳዉሎስ ስላሰይነ ፅሞትዮስ ተሰሎንቀ ዎሳ ኬን ደእያ፥ ፆሳ አዋባነ ጎዳ የሱስ ክርስቶሳባ ግድዳ አሳስ ፃፍዳ ኪታ። አ ኬሀተይነ ሳሮይ ህንተዉ ግዶ። 2 ኑኒ ፆሳ ዎስያ ዎደ ኡባን ህንተና ቆፕሸ ህንተ ግሾ ኡባ ዎደ ፆሳ ጋላቶስ። 3 ፆሳ ኑ አዋ ስንን አማኖን ህንተ ኦዳ ኦሱዋ፥ ሲቆን ህንተ ዳቡርዳ ዳቡራነ የሱስ ክርስቶሳን ደእያ ኡፋይሳ ኤካናዉ ህንተ ምንድ ኤቅዳ ኤቁዋ ኡባ ዎደ ኑኒ ቆፖስ። 4 ኑ እሻቶ፥ ፆሳይ ህንተና ዶሰይሳነ ባ አሰ ኦድ ህንተና ዶርዳይሳ ኑኒ ኤሮስ። 5 አይስ ጊኮ፥ ኑኒ ዎንገላ ዶና ፃላላን ግዶናሽን፥ ዎልቃን፥ ጌሻ አያናንነ ዎንገላ ቱማ አማኖን ህንተዉ ኤህዳ። ኑኒ ህንተራ ጋምእዳ ዎደ ኡባን ህንተ ግሾ ዋንድ ደእዳኮ ህንተ ኤሬታ። 6 ህንተ ዳሮ መቶ ኤክኮካ ጌሻ አያናይ እምያ ኡፋይሳን ኪታ ኤክደታ፤ ኑናነ ጎዳ ዳንደታ። 7 ሄሳ ግሾ፥ ማቀዶነነ አካያ ቢታን ደእያ አማንያ ኡባስ ሌምሶ ግድደታ። 8 ጎዳ ቃላይ ህንተፈ ከይድ፥ ማቀዶነንነ አካያ ፃላላን ግዶናሽን፥ ፆሳ ህንተ አማነይስ ኡባሶን ስኤትስ። ህዛ፥ ኑኒ ጋናባይ አይኮይካ ባዋ። 9 ኑኒ ህንተኮ ብዳ ዎደ ህንተ ኑና ሞክዳ ሞኩዋነ ህንተ፥ ህንተ ኤቃ አግድ ቱማነ ደኦ ፆሳ ሀጋዛናዉ ህንተ ስምዳይሳ ኤንቲ ባንታ ሁጰን ኦዶሶና። 10 ቃስ ፆሳ ናአይ፥ የሱሲ፥ ፆሳይ ሀይቆፐ ደንዳይስ፥ ስንፈ ያና ፆሳ ሀንቁዋፈ ኑና አሻናይስ፥ ሳሎፐ ያናይሳ ህንተ ናገይሳ ኤንቲ ማርካቶሶና።