Zakaraasa Tinbite 13

1 Ubbaafe Wolqqama GODAY, «He gallas Dawite keeththa asanne Yerusalaamen diza asaa nagarappenne tunateththafe geeshshanaas pulttoy pulttana. 2 «Tani he wode biittafe eeqa xoossata sunth dhayssana; hessafe nam7anththo istti qofettettenna; istta nabetanne tuna ayanata biittay bollafe ta diggana. 3 Oonikka tani nabe giikko izaade yelida aawaynne aayeya iza ne GODAA sunththan wordo haasayda gishshas nees hayqoy bessees getto; izi tinbite haasayshin iza yelidayti iza caddetto. 4 He wode wordo haasaydaadey oonikka ba haasayda wordo tinbiten yeellatana; baleththanaas iskera diza nabeta may7o may7enna. 5 Izikka, â¹Ta gooshsha asa attiin nabe gidikke; ta naateteththafe doommada hanno gakkanaas goshshanchcha⺠gaana. 6 Issi asi, â¹Hessi ne bolla ay madunththee?⺠gi oychchiko izi, â¹Ta hayssa ta laggetason dashe madunxadis⺠gides. 7 «Ubbaafe Wolqqama GODAY, â¹Mashsha! Ta heenththanchcha ta daro dosizayssa bolla beegga! Heemmizayssa shoca; dorsatikka laalettana; tanikka ta qese guuththata bolla denththana⺠» gees. 8 GODAY, «Biitta ubbaan diza heedzdzu kushe asaappe nam7u kushey dhayana; issi kushe asi attana. 9 He attida issi kushe asaa ta gede taman yeggana; bira taman geeshshiza mala ta geeshshana; worqqa malakka paaccana; istti ta sunth xeygana; tanikka isttas koyana; ta isttas, â¹Ta dereta⺠gaana; isttika, â¹Nu GODAA⺠gaana» gides.