ዬ ማጻፋ 29

1 ኢንቴኖ ሳሎን ዲዛ ሜታቶ! «ቦንቾይኔ ዎልቃይ ጎዳሳ» ጊዲ ዮቲቴ። 2 ጎዳ ቦንቾ ሱን ጋላቲቴ፤ ኢዛ ጌሻቴ ቴማስ ጎዳ ጎይኒቴ። 3 ጎዳ ጬንጉርሳይ ሃታ ቦላን ሲዬቴስ። ቦንቾ ጾሳይ ዳዳ ማላ ጉሜስ፤ ጎዳይ ጊታ ሃታ ቦላን ጉሜስ። 4 ጎዳ ጬንጉርሳይ ዎልቃማ፤ ጎዳ ጉንይ፥ «ኔስ ሆላ!» ጊሲዛዛ። 5 ጎዳ ጬንጉርሳይ ዚጋ ሚ ሜንሬስ፤ ሊባኖሴ ዚጋታካ ጎዳይ ሜንሬስ። 6 ሊባኖሴ ዙማ ጋሎ ማራ ማላ ቡራቂሴስ፤ ሲሪዮኔ ዙማካ ሜን ማላ ጺኪሴስ። 7 ጎዳ ጬንጉርሳይ ዎልቃን ፖፖልኡ ጌስ። 8 ጎዳ ጬንጉርሳይ ባዞ ቃስ፤ ጎዳይ ቃዴሴ ባዞ ቃስ። 9 ጎዳ ጬንጉርሳይ ዎላታ ቃስ፤ ሚ ሃይካ ቆቆፌስ። ኢዛ ኬን ዴኢዛይቲ፥ «ቦንቾይ ጎዳስ ጊዶ» ጌቴስ። 10 ጎዳይ ዲኦ ሃ ቦላ ባ ኣራታ ዎዲ ኡቲዴስ፤ ጎዳይ ባ ካዎቴ ኣልጋን ኡቲዲ ሜርናስ ሃሬስ። 11 ጎዳይ ባ ዴራስ ዎልቃ ኢሜስ። ባ ኣሳካ ሳሮቴን ኣንጄስ።