Revelesene 4

1 Dopa lateamopa, kaiti-kisa kaitini mende lumbapae siamo kandeo. Dokopa, wamba trampeta pili lao pii leamopa sio dokomeaka namba langyoo, “Tanga pipenge dupa emba kanjale panasotoo, emba dakenya pyakalya” lea. 2 Dopa lalu piamopa Spiritame namba sakatasiamopa, kaiti-kisa kiÅi petenge toko mende siamo kandeo. (KiÅi petenge toko dokonya akali mende petea.) 3 KiÅi petenge toko doko kana jasapapi, kana konilianepi jili pia. KiÅi petenge toko doko lipukepa mendeme kakopatae katea doko kana emerale jili pia. 4 KiÅi petenge toko doko, kiÅi petenge toko 24 dutupame kakopatae kateamopa, dutupanya isingi akali 24 dutupa peteami. Isingi akali dutupa yonge pee kyeo lapae dupa petala, aiyomba dupanya golome wasepae kiÅi balu dupa petae peteami. 5 KiÅi petenge toko dokonya katao, yuu-wapaka petala, kaiti mulumalu lao, kaiti toka lao pia. Dokopa kiÅi petenge toko dokonya enombatena lama kalange tao katea. Dutupa Gotenya spirita kalange dutupa. 6 KiÅi petenge toko dokonya enombatena kana kitisolo jepaeme petae galasa mende solowata sili pia. Dokopa kiÅi petenge toko dokonya kainapi, kipa-kipapi dupanya ema pingi kitomende kateami. Ema pingi dutupanya enombatenapi, maita-kaitapi dupa pitaka lengeme iki etasetae katea. 7 Ema pingi wambao doko laeyone jepae mende katea. Ema pingi lapo doko kao ÅaÅa jepae mende katea. Ema pingi tepo doko endakali lenge-lyaapi katapae mende katea. Ema pingi kitomende doko yaka kambi mende papa pee lao pele latae katea. 8 Ema pingi kitomende dutupanya mendai-mendai lao papa tokange kateamopa, yongepi, papa pundipundipi, dupanya lengeme iki etasetae katea. Dutupame kuka kotakapi koto nyala naeyao dapa lengema: “Kamongo Gote Eteteaka Kyeto, baa kuni nasingi, etete kuni nasingi, eteteaka kuni nasingi. Baa wamba-waka katea, baa indupa kalyamo, baa tanga ipatana” lengema. 9 Ema pingi kitomende dutupame akali kataowaka katenge, kiÅi toko dokonya petenge doko yaka pilyino lao mambo pyao kenge andake maita pilyaminopa, 10 isingi akali 24 dutupame akali kataowaka katenge kiÅi toko dokonya petenge dokonya enombanya luma lakapala, baa mambo pyalanya dokaitanya kiÅi balu dupa pukunya kiÅi toko dokonya enombanya pyasetala lao pituu, 11 “Naimanya Kamongo Gote, emba kuni nasingi. Embame yuupa kaitipa dolapo pyoo injii. Embame masiili pyoo dupa pitaka sina leenopa sia. Emba eteteaka epe dokonya, kenge epepi, tii pipaepi, kyetopi dupa embame nyepengena” lengema.