Yontu 15

1 Tɑfiiti yontu. Hɑɩ, Tɑcɑɑ ɑwe mʋnnɑ nyɑ́ təsɛɛlɛ tɑɑ sʋʋʋ? Nɑ pʋntʋ cɑɣɑ nyɑ́ Siyɔŋ pulɑɣɑ nɑŋŋ nyəŋkɑ tɔɔ? 2 Yʋlʋ wei ɩ kiŋ pɑ kɑɑ nɑ ɩsɑɣɑtʋ nɑ ɩ́ təŋəɣɩ kʋsiɣisim nɑ ɩ́ yɔɣɔtəɣɩ tɑmpɑnɑ wenɑ ɩ nyəmɑ́ ɩ lotu tɑɑ tɔɣɔ. 3 Pə tɛ́ yʋlʋ ɩɩ cɑkənɑ lɛlɑɑ. Pə́cɔ ɩɩ lɑkɩ ɩsɑɣɑtʋ kɛ ɩ tɔɣɔntəlɛ yɑɑ ɩ́ tʋ-ɩ fɛɛlɛ. 4 Yʋlʋ ɩnɩ ɩ tɑɑ kpɑɑkənɑ mpɑ Ɩsɔ ɩɩ cɑɑkɩ tɔɣɔ. Amɑ ɩ tʋɣʋnɑ mpɑ pɑ nyɑŋnɑ Tɑcɑɑ tɔ. Ye yʋlʋ ɩnɩ ɩ sɩɩ nɔɣɔ ɩɩ lɑɣɑsəɣɩ-kɛ, pɑɑ pɩɩ cɑɑlɩ-ɩ ɩsənɑ. 5 Ye nɔɣɔlʋ kəntɑ ɩ kiŋ kɛ liɣitee ɩɩ pɛɛkəɣɩ kɑsəyɑɣɑ. Pə tɛ yʋlʋ kɑɑ mʋ kʋhɑʋ nɑ ɩ́ ləsɩ pɔpɔtʋ ɑseetɑ nɑ ɩ́ kʋ tɑmpɑnɑ tʋ tɔm. Pɩɩ cɛŋləɣɩ wei ɩ tɔkɑ yɑɑsinɑɑ mpɛ tɔ.