Yontu 137
SIM1 Tɩɩ wɛ Pɑpiloni pusi nɔɣɔ nɑ tə́ cɑɣɑɑ. Sɑɑ wei tə tɔɔsəɣɩ Siyɔŋ tɔɔ, ɩlɛnɑ tə́ wiiki. 2 Nɑ tə́ pusi tɑ́ cəməŋ nɑ tənɑ tɩɩŋ. 3 Tənɑɣɑ mpɑ pɑ kuu-tʋ tɔ pɑ tɔŋɑɣɑ-tʋ sɩ: Ɩ́ yoo-tʋɣʋ yontu. Tɑ́ cɑɑllɑɑ cɑɑkɑɣɑ lɑŋhʋlʋmlɛ yontu nɑ pɑ́ tɔŋ-tʋ sɩ: Ɩ́ yoo-tʋɣʋ Siyɔŋ yontu. 4 Ɩsənɑɣɑ tɩɩ yoo Tɑcɑɑ yontu kɛ tɛtʋ kpɑɩ nyəntʋ tɑɑ? 5 Hɑɩ, Yosɑlɛm, ye mɑ sɔɔ nyɑ́ tɔɔ, mɑ niŋ ntɔɣɔŋ ɩ́ sɔɔ mɑ tɔɔ. 6 Ye mɑ tɑ tɔɔsɩ Yosɑlɛm nyɑ́, nyɑ́ tɔɔ, yɑɑ nyɑ́ tɔm ɩɩ hʋləsəɣɩ mɑ lɑŋlɛ, mɑ nsəmlɛ ɩ́ mɑtənɑ mɑ tɑntɑhɑɑʋ. 7 Tɑcɑɑ, tɑɑ sɔɔ mpi Ɩtɔm nyə́mɑ lɑpɑ tɔ. Mpi tɔ, kʋyɑŋku kolontunɑɑ tii Yosɑlɛm tɔɔ tɔ. Pɑ tɔŋɑɣɑ kɛ́ sɩ kpiisi, kpiisi nɑ ń kpɛŋnɑ kite. 8 Pɑpiloni nyɑ́, pɩɩ kpiisi-ŋ nɔɔnɔɔ. Leleŋ nɩɩlʋ ntɛ́ wei ɩ kɑ́ lɛɛtɩ-ŋ ɩsɑɣɑtʋ nti n lɑpɑ-tʋ tɔ. 9 Leleŋ nɩɩlʋ ntɛ́ wei ɩ kɑ́ kpɑ nyɑ́ piyɑ nɑ ɩ́ nɑŋtɩ-səɣɩ kʋkpɑmʋɣʋ tɔɔ tɔ.