1 कुरन्थियो 9

1 काय हाव छुटक नी हय? काय हाव प्रेरितन नी? काय हाव ने ईशु क जो हामरा पोरबु छे, नी देखे? काय तुमू पोरबु मा मारे बनायो हुयो नी? 2 यदि हाव दिसरा क करता प्रेरित नी, तौभी तुमरे करता तो छे; काहकि तुमू पोरबु मा मारी प्रेरिताई हुयने क निसानी छे। 3 जो मखे हेरता छे, ओको करता योही मारो जवाब छे। 4 काय हामु खाने पीने क हक नी? 5 काय हामुक यो हक नी, कि कोय मसीह बहिनीस क साथ मा वियाव करीन उको लीन फिरजे, जसा दिसरा सेवक आरू पोरबुन भाई आरू कैफा करे? 6 या आरू केवल मखे आरू बरनबास क ही हक नी कि कमाय करने छुड़े। 7 कुन कदी आपसी गिरह छे खाईन सिपाही क काम करता छे? कुन अंगुर की वाड़ी लागाड़ीन ओको फोव नी खाता? कुन हावढरा की राखवावी करने ओको दूध नी पीता? 8 काय हाव यो वात मानुस ही की रीति पर बुलता छे, ओसो नियम शास्त्र नी कयता छे? 9 काहकि मूसा की व्यवस्था मा लिख्यो छे, “दांवते टेहाव चालता होया बैल क मुय नी बांधने।” काय यहोवा–भगवान बुल्यो की ही चिंता करता छे? 10 या विशेष करीन हामरे करता कयता छे। हाव, हामरे करता ही लिख्या गया, काहकि वारू छे कि जोतनेवावा आश छे जोते आरू दांवनेवावा भागी हुयने की आश छे दांवनी करे। 11 शेवली कावा जव कि हामु ने तुमरे करता आत्मिक समान बोई, तो काय यो काही मोटी वात छे कि तुमरी शारीरिक समान की कमाय काटे। 12 जव दिसरा क तुमू पर यो हक छे, तो काय हामरा इनासे सवटो नी होयछे? पुन हामु यो हक क काम मा नी लायो; पुन सब काही सहते छे हामरे द्वारा मसीह क खुश खबर मा काही रूकावट नी होय। 13 काय तुमू नी जानता कि जो मंदिर मा सेवा करता छे, वो मंदिर मा छे खाता छे; आरू जो वेदी की सेवा करता छे, वो वेदी पर राख्यो साथे भागी हुयसे छे? 14 इनी रीति छे पोरबु ने भी ठेराया कि जो मानसे खुश खबर सोमवता छे, उनकी जीविका खुश खबर छे होय। 15 पुन हाव इन मा छे काही भी वात काम मा नी लाया, आरू हाव ने यो वात एरकरीन नी लिखी कि मारे करता ओसो कर्‍या जाय, काहकि इनासे तो मारो मरनो ही भलो छे कि काही मारे डाहळाय क रिकामो ठेराया। 16 यदि हाव खुश खबर सोमवावी, तो मारे करता काही डाहळाय की वात नी; काहकि यो तो मारे करता पाको छे। यदि हाव खुश खबर नी सोमवावी, तो मखे पर हाय! 17 काहकि यदि आपसी मरजी छे, यो करता छे तो दाहडकी मखे मिवती छे, आरू यदि आपसी मरजी छे नी करता तौभी भण्डारीपन मखे आपी गया छे। 18 तो मारी कुन सी दाहडकी छे? यो कि खुश खबर सोमवावने मा हाव मसीह क खुश खबर विना पोशा करता खुशी छे संदेश सोमवाय दीस, याहा तक कि खुश खबर मा जो मारो हक छे ओको भी हाव पूरी रीति छे काम हाव नी लावु। 19 काहकि सब छे स्वतंत्र हुयने पर भी हाव ने आपने आप क सब क बना दिया छे कि सवटो मानसे क खेंची लावु। 20 हाव यहूदि यो क करता यहूदि बना कि यहूदि यो क खेंची लावु। जे मानसे व्यवस्था क हको तळे छे ओको करता हाव व्यवस्था क हको तळे बना कि तीनुक जो व्यवस्था क हको तळे छे, खेंची लावु। 21 व्यवस्था क करता हाव जो यहोवा–भगवान की व्यवस्था छे हीन नी पुन मसीह की व्यवस्था क हको तळे छे व्यवस्थाहीन सा बना कि बाहरजातीयान क खेंची लावु। 22 हाव निर्बलो क करता निर्बल सा बना कि निर्बलो क खेंची लावु। हाव सब मानुस क करता सब काही बना कि काही नी काही रीति छे कयी एक क उध्दार करावु। 23 हाव यो सब काही खुश खबर क करता छे कि दिसरा क साथे ओको भागी होय जावु। 24 काय तुमू नी जानता कि दौड़ मा तो दौड़ता सब ही छे, पुन इनाम एक ही ली छे? तुमू वोसो ही दौड़ो कि जीतु। 25 हर एक पेहलवान सब प्रकार क संयम छे; वे तो एक मुरझानेवावा हार क छे जो मुरझाने क नी। 26 एरकरीन हाव तो इनी रीति छे हार छे लड़ायतो छे, पुन उना क समान नी जो वाहवो पेटतो हुयो लड़ायतो छे। 27 पुन हाव आपसी देह क मारतो कूटतो आरू वश मा लावतो छे, ओसो नी होय कि दिसरा क खबर करीन हाव आप ही काही रीति छे निकम्मा ठेहरीस।