Luhka 21
TWF1 Jesuh naw mang hü lü, bawimangki he naw, Temple khawh petnak üng ami khawh pe u se a jah hmuh.
2 Acunüng, m'yenksekia hmeinu mat pi, tangka ca nghngih pe law hnga se hmu lü,
3 â Akcanga ka ning jah mthehki, hin hea kthaka pi, acuna m'yenkse hmeinu naw a pet däm bawk ve;
4 â Hin he naw ami taka kpawih pe lawki he; cunsepi, hina hmeinu naw a xünnak vaia a tak naküt pe ve,â a ti.
5 Acunüng, axüisaw he avang naw, Temple lunga kyäpa mawng, a dawa mawng la Pamhnam ami petmsawta mawng pyen u se,
6 Jesuh naw, â Hin atuh nami jah hmuh, hin üng lung matca pi am ve se, avan a kpyehnaka kcün pha law khai,â a ti.
7 Amimi naw, â Saja aw, acun cun itia kya law khai? Acun a pha law hlü üng msingnak i ve law khai?â tia, ami kthäh.
8 Jesuh naw, â à ami ning jah hleihlaknak vaia a na cäiei ua. Khyang khawjah naw, â Kei Khritaw ni,â â Akcün pha law hlü ve,â ti u lü, keia ngming pyen u lü, ngdang law khai he; acun he ä nami jah läk vai.
9 Acunüng, ngtungahnak la nghnengnaka ngthu nami ngjak üng, ä nami kyüh vai. Acun he akcüka ve law khai he, cunsepi acuna phäha adütnak ng'et lawkia am kya pha naw.
10 â Pung la pung ngtu law khai he, khawe la khawe ngtu law khai he;
11 â Mkhyü aknuia ngsün law khai, pung avana khawjaw law khai, mnehmnang da law khai, khankhawa am hmuh khawia msingnak he aktäkpaia ngdang law khai he.
12 â Acun he avan am a pha law hlan üng, ka ngminga phäha, ning jah man u lü, ning jah mkhuimkha u lü, Sinakok la thawngima ning jah cehpüi khai he. Sangpuxang he la khawbawi hea veia ning jah cehpüi khai he.
13 â Cunsepi, acun cun thangkdaw nami pyenak vaia kcün kdawa kya khai.
14 â Akcün am a pha law hlan üng ikba nami pyen be vaia ä cäi ua.
15 â Nami ye he naw, am ami ning jah nängnak vaia, khyaihnaka ngthu la ksingnak kei naw ka ning jah pe khai.
16 â Nami nu la nami pa he, nami hnunpüi he, nami püi he naw pi ning jah ceng u lü ning jah man law sak khai he; avang ning jah hnim khai he.
17 â Keia ngminga phäha khyang avan naw ning jah hneng law khai he.
18 â Cunsepi, nami lusam matca pi am khyük khai ni.
19 â Nami khängceknak am nami ngküikyanei kyu khai.
20 â Acunüng, yekap he naw Jerusalem nglung law na u se nami hmuh üng, Jerusalem pyeh law hlüki ti nami ksing vai.
21 â Judah khawa awmki he mcung hea dawng u se; mlüh kâ uma awmki he kpunga dawng u se; mlüh kpunga awmki he mlüh kâ uma ä lut be u se.
22 â Acuna mhmüp cun, cangcim üng ngâ yuki akümnak vaia, Mkhuimkhanaka Mhmüpa kya khai.
23 â Acuna mhmüp üng m'yaieiki he la naca kpawmeiki he ta ami jo se ve; hina mdeka khana khuikhanak cang pha law khai, hina khyang hea khana Mhnama mkhuimkhanak pha law khaia kyaki.
24 â Avang he Mthikcim am jah hnim khai he, avang he pung kcea jah cehpüi u lü thawngim üng jah khyum khai he; khyangmjükce hea mhmüp am a küm hlana küt üng, Jerusalem cun khyangmjükce hea khaw keha ve khai.
25 â Nghngi, khya la aisi hea khana msingnak he ngdang law khai he; mliktui nghmüm law lü phu law se khawmdek khan avan üng khyang he kyükyawk u lü cäicah law khai he.
26 â Khan ngsün law khaia kyase, khawmdek khana pha law khaia khuikhanak vai ngaihkyunak la kyühkyawk lawa phäha pi khyang he käikang law khai he.
27 â Acunüng, khyanga Capa cun johit la hlüngtainak am khawngmei üng kyum law lü ngdang law khai.
28 â Acun hea tünei law üng, ngdüi u lü han teng u, nami hama küikyannak ng'et law ve,â a ti.
29 Acunüng, Jesuh naw ami veia msuimcäpnak pyen be lü, â Fik thing la thing avan jah ngai u;
30 â Hlip law se nami hmuh la khawkhye ngâ et lawki ti nami ksingki.
31 â Acukba bäa nangmi pi acun he awm law u se, nami jah hmu üng, Pamhnama khaw pha law hlüki ni ti ksing ua.
32 â Hina khyang he am thi pha u se, acun he avan pha law khai ti ksing u.
33 â Khankhaw la mce khyük ni se pi ka ngthu am khyük.
34 â Acunakyase, a na cäiei u, am acunüng ta ei ngang, aw ngang u lü khawmdek khawhthema phäha nami mlunga bawngkha k'um üng, acuna mhmüp am nami sima pha law sawxat khai ni.
35 â Acuna mhmüp cun ngvaia kba khawmdek avan üng awmkia khyang hea khana pha law khaia kyaki.
36 â Acunakyase, kya law khaia khuikhanak üngka naw phyawng u lü khyanga Capaa ma nami ngdüi hlawt khaia anglät se ktaiyü u lü a na kâ äih ua,â a ti.
37 Acunüng Jesuh cun amhmüp tä se Temple k'uma jah mthei lü amthan tä se Olip mcung ami tia ktaiyü khaia citki.
38 Angawi tä se a ngthu ngai khai hea khyang avan Temple üng citki he.